Krækiber í helvíti!

?

2008-11-23T01:50:00.001-08:00

If we are all God's children, what the hell is then so special about Jesus?

Stiklur úr miðvikudegi í lífi Krækibers

2008-11-13T02:44:00.000-08:00

Kl. 06.15: Krækiberið snýr sér á hina hliðina eftir andvökunótt... geeetur ekki farið í ræktina. Sendir Hlédísi sms og sofnar aftur

Kl. 07.55: Krækiberið vandar sig sérstaklega í beygjunni þar sem það klessti aftan á gamlamannsbíl fyrir nokkrum dögum, en er samt að flýta sér í vinnuna

Kl. 14.00: Símtal við Arndísi sem litast af því að Krækiberið heldur á þeirri stundu að það sé á leiðinni í nefnda rækt eftir vinnu

Kl. 15.45: Örlagaríkt símtal við syss þar sem Krækiberið tekur að sér að skoða og meta húsgögn sem syssið sá auglýst til sölu í Fréttablaðinu. Syssið hafði talað við auglýsandann sem reyndist vera frá Tælandi og tala mjög bjagað og því vissi syssið engan veginn hvar söluvarningurinn var til húsa. Á þessum tímapunkti héldu syssið og Krækiberið þó að um væri að ræða húsgagnaverslun með fjölbreytt úrval húsgagna

Kl. 16.16: Krækiberið náði í "sölukonuna" fyrir utan Hallgrímskirkju, þær dóla saman í fjögurumferðinni í átt að Hafnarfjarðarhöfn

Kl. 16.30: Tvær grímur eru farnar að renna á Krækiberið sem nú áttar sig á því að sölukona þessi er ekki aðeins að selja húsgögn, heldur auglýsti líka eftir manni handa tælenskri vinkonu sinni..og samkvæmt henni: "Íslenskir menn vilja bara leika, ekki giftast"!

Kl. 16.40: Krækiberið verður vitni að merkilegu samtali sölukonu og væntanlegs biðils vinkonunnar og aðspurð um aldur kvonfangsins sagði sölukonan þrjátíu.................................................................og átta ..eða fjörutíu, var ekki alveg viss. Þegar hún vissi aldur biðilsins ljómaði hún og sagði alveg tilvalið fyrir hann að fá sér 42 ára konu, því nú mundi hún aldurinn

Kl. 16.55: Krækiberið og sölukonan renna inn á gámasvæði Hafnafjarðarhafnar og bisa við að opna gám, og þegar það loks tekst hendist sölukonan af stað til að pissa á bak við næsta gám og skilur Krækiberið eitt eftir við gáminn sem allt eins gat verið fullur af þýfi

Kl. 17.15: Krækiberið veit ekki hvort það eigi að hlægja með eða gráta þegar sölukonan skýrir skellihlæjandi frá barsmíðum sem hún varð fyrir hér á landi þegar hún var nýflutt

Kl. 17.35: Krækiberið fær símtal frá Hlédísi sem, fyrir tilviljun, var í bílnum á undan, leit í baksýnisspegilinn og var merkilega lítið hissa þegar hún sá Krækiberið rúnta á Miklubrautinni með skellihlæjandi sölukonu í bílnum (þess má geta að oftast vita Hlés og Krækiberið um ferðir hvors annars)

Kl. 17.40: Sölukonan stígur úr bíl Krækibersins við Hallgrímskirkju og Krækiberið brunar heim á leið, klípandi sig í hendina öðru hverju...

Kl. 17.55: Krækiberið sígur í sófann heima hjá sér, öll ræktaráform komin í salt og ákveður með sjálfu sér að stuðla að því að framvegis geri það og fjölskylda þess öll húsgagnakaup í IKEA!

Líf í Bingóvöðvunum...

2008-11-10T02:24:00.000-08:00

Úfffff...

Nú tilheyra hreyfingar á borð við; að setja hárið í tagl, veifa, klóra sér í/bora í nefið, setja á sig gleraugun, þvo sér í framan, skafa af bílnum o.s.frv. sögunni til!

Einhver gæti ályktað að þessi tímabundni hreyfingaskortur minn væri tilkominn af högginu sem ég fékk af því að bomba aftan á "gamlamannsbíl" sem taldi góðan kost að snarbremsa fyrir framan mig, en ónei! Þessi sársaukafulla fötlun mín stafa eingöngu af öfgum í hreyfiþörf Mattheu. Ég ákvað sem sagt að nú væri tími til kominn að rísa upp úr eigin leti og leyfa heiminum að kynnast aðeins minni útgáfu af sjálfri mér. Ég slóst í hóp með hinni duglegu Hlés minni í lyftingasal World Class og í dag er ekki laust við að ég merki örlítið og viðkvæmt líf í bingóvöðvunum!

Mig óraði ekki fyrir því í dag...

2008-10-08T11:55:00.000-07:00

... að ég ætti eftir að aðstoða háaldraða og alzheimersveika ömmu mína við að mæla breidd stofugluggans hennar til að staðfesta þann grun hennar að mávurinn sem skeit á gluggann fyrir mánuði hafi hitt nákvæmlega í miðjuna.

Hann hitti akkúrat og amma kættist!

Lífið er ljúft

Af því að mér leið soldið svona í morgun...

2008-10-08T04:12:00.000-07:00

Fór ég á hjóli í vinnuna.
Þegar ég var hálfnuð, ætlaði ég að spýta í lófana og auka ferðina, skipti um gír og ætlaði að rykkja mér á meiri ferð, þá datt helv....keðjan af í þessum látum og ég fór næstum hring framúr hjólinu.

Ég slapp í þetta sinn, en teymdi hjólið restina og mætti of seint í vinnuna

arg.

Skyggnigáfa!?!!?

2008-10-03T04:31:00.000-07:00

Ég vissi alveg að brátt myndi draga til tíðinda hjá Glitni...

Í síðustu viku, þrjá morgna í röð, stóð morgungulrótin í mér, akkúrat þegar ég keyrði framhjá höfuðstöðvunum á Kirkjusandi á leiðinni í vinnuna... án gríns!
Enda var ég fljót að skipta gulrótunum út fyrir súkkulaði sem bráðnar í munninum.

Kannski þyrfti Aron Pálmi ekki að safna dósum í dag, ef ég hefði hlustað á musteri mitt og reynt að vara hann við hræringum í fjármálaheiminum.

Ástæða blogglægðarinnar að undanförnu

2008-09-22T11:02:00.000-07:00

er þessi:
Barnateppi! (blómin eru ekki tilviljun, sjens að ég hafi misst lykkjur svona hér og þar). Já og eins og sjá má ef vel er skoðað þá fékk nýjasta frænkan mín, Margrét þetta teppi í mánaðar-afmælisgjöf.

Nú munda ég prjónana eins og svangur kínverji, á mér ekkert líf ef ekki er hægt að prjóna það. Orðrómur götunnar er jafnvel sá, að ég hafi skrópað á húsfundi (Gummi myndi skilja það), dregið fyrir gluggana og prjónað í myrkrinu... það verður reyndar aldrei sannað!

Áður en ég náði að mynda félagstengsl að nýju, fitjaði ég upp fyrir húfu handa veiðimanninum Gunna, kláraði hana og nú hef ég gengið svo langt að lýsa því yfir að allar jólagjafir sem frá mér munu koma þetta árið, verða handmade by Matta!

-Þar sem ég náði loksins puttunum úr nefinu á mér og fór að eiga mér eitthvað líf eftir vinnu, ofmetnaðist ég í prjónasköpuninni, hélt að allt léki í höndunum á mér, fór út í búð, keypti mér gítar og skráði mig á gítarnámskeið! Fyrsti tíminn er í kvöld... reynir að vísu á samband okkar A og B því Gunni er búinn að leggja undir sig stofuna í lokasprettinum í náminu, ætlar að henda fram eins og einni lokaritgerð, og ég, gítarbyrjandinn, verð á kantinum að plokka strengina...

-Já, síðan síðast hefur nýr kettlingur bæst í fjölskylduna, Grettir, bróðir hins fordekraða Gríms okkar. Þeir búa á Grímslæk, éta eins og svín eru þegar á stærð við ljón.

-Ég átti mjög sérstaka og innilega stund með Hésanum mínum, sem rétt snerti landið um daginn-

-Saumaklúbburinn Sleikur reyndi að bæta ímynd klúbbsins á sunnudagsmorgni...Sybil(e) og Marta Bíbí rúlluðu restinni upp í spilakeppni-

-Ég bý svo vel að eiga tvær rúllur af veggfóðri, krossviðsplötur hamar og nagla...vantar bara lím..(vá, án gríns, þá skrifaði ég fyrst óvart lík, klaufaleg mistök í ljósi krossviðsplötunnar og naglanna) og get ekki beðið eftir að veggfóðra rúmgafl í næstu austurferð!

-Ég er búin að veita blaðaviðtal um sérstæðustu reynslu lífs míns-

-Vinahandbók Mattheu hefur þurft að kyngja tilgangi sínum og hvetur nú vini til að láta drauma sína rætast erlendis-

-Tveir af undanförnum símum mínum hafa öðlast sjálfstætt líf og neita að hlýða mér..en Gunnsi minn sópaði að sér verðlaunum á golfmóti um daginn og ég er öðrum síma ríkari :)

-Sl. nótt, gerði ég tilraun til að líta á klukkuna á náttborðinu, slengdi skánkanum í fullt vatnsglas, sem demdist í fleti mitt... ég hef aldrei blótað jafn lágt á ævinni, náði í handklæði og svaf á því í nótt (vaknaði með handklæðafar á kinninni)..í morgun spurði ég Gunna hvort hann hafi nokkuð vaknað í nótt: "bara við jarðskjálftann..eða var ekki annars jarðskjálfti?!" Helvítis. Vil taka það fram að ég læddist upp úr rennblautu bælinu..úfff

-Ég á núna tvær golfkylfur fyrir örvhenta og er á skrá eftir golfkennslu hjá Ragnhildi Sig.-

-og þar með er líf mitt að undanförnu að mestu upp talið-

Má ég kynna...

2008-08-05T17:02:00.001-07:00

Fröken Margrét Gísladóttir:

Ég á litla frænku...

2008-08-05T06:42:00.001-07:00

sem fæddist á Akranesi rétt fyrir hádegi í dag :)

vííííííí...

Syssin mín massar svona lagað eins og ekkert sé!

Grímur Gunnarsson

2008-07-29T17:29:00.001-07:00

Síðan ég bloggaði síðast hefur nýr fjölskyldumeðlimur bæst í hópinn. Hefur honum verið ætlað það hlutverk að veiða mýs og brosa og vera sætur þess á milli. Hans framtíðarheimili er á Grímslæk og hlaut hann því hið frumlega nafn, Grímur!
Þó hann sé ekki mikið eldri en mjólkin í ísskápnum mínum, hefur honum alveg tekist að gera hundafríkið mig, að kattakonu.

Hann er æði!!!

Eftir matarboð í vesturbænum í kvöld, rúntuðum við Gunni að Gróttu. Rómantíska kattakonan, ég, átti von á samræðum um ástina, lífið og tilveruna; að minn kæri myndi halla sér að mér og hafa orð á því hversu vel ég passaði við hið magnaða sólarlag... Þegar við vorum sest á stein við sjóinn og ég fann að á þessari stundu fengi ég svar við spurningunni um tilgang lífsins, opnaði Gunnsi skoltin og ruddi út úr sér þessar mjöög svo órómantísku setningu: "Í dag, þegar ég var í golfi, gleypti ég flugu, hún festist í hálsinum á mér og stakk mig!"
Ooog í þeim töluðu orðum var Bára komin í bleyti og mæjónesan orðin gul ;)

Rómantíkurbaninn Gunni

Óóó svo fyndið blogg

2008-07-23T04:51:00.000-07:00

Hún hló, hún hló, hún skelli skelli hló...

http://www3.hi.is/~jja/

Sambúð A og B

2008-07-21T17:08:00.000-07:00

Manneskja A, sem við skulum kalla Möttu, er veik. Henni er illt í haus og maga og líkamshitinn er í hærra lagi.
Manneskja B, sem við dulnefnum nú Gunnar, honum til verndar, kemur alla leið frá Selfossi til að stjana við manneskju A. Hann færir henni grillaðan kjúkling, leyfir henni að vinna í spili og googlar fjöldan allan af fyndnum videóklippum af netinu, liggur við hlið A með tölvuna í fanginu og leyfir henni að hlæja hátt uppí eyrað á sér. Allt saman í þeim tilgangi að láta manneskju A líða örlítið betur. Sem henni gerði líka.
Rétt fyrir svefninn ákveður manneskja B að hugsa sér mann. Manneskja A sem er keppnis, gat giskað á Whoopi Goldberg, Samuel L. Jackson, Fidel Castro og Sylvester Stallone þegar kemur að síðasta leiknum, enda A og B að verða ansi þreytt. Manneskja A byrjar að giska, ákveðin í að nú skuli hún massa leikinn og svífa svo inn í draumalandið, ánægð með gott dagsverk ;)
Nema, eftir gisk, heilabrot og hárreytingar fram á nótt og loks uppgjöf, kom í ljós að manneskja bévítans B, hafði hugsað sér Vaclav Havel fyrrverandi forseta Tékklands!!!!!!
Manneskja A vonar að ef hún þarf að æla í nótt, muni eitthvað slettast óvart á manneskju B!

Brúðkaup ofl.

2008-07-21T05:28:00.000-07:00

Á laugardaginn brunuðum við Gunni á Blönduós í brúðkaup hjá Guðnýju og Begga.

Gunni tunglfangari

Daginn eftir var kíkt í Litladal og skroppið í veiði

...og svo á Hvammstanga, míns gamla "heimabæjar", þökk sé afmælisbarninu og Ástralíukrúttinu mínu, Þórhildi

Gæsun Evu Daggar

2008-07-20T15:30:00.000-07:00

Á föstudaginn var Evan okkar tekin á beinið, fyrir það eitt að vera að fara að giftast. Myndirnar tala sínu máli...

Spegill sálarinnar???

2008-07-14T18:44:00.000-07:00

Stundum furða ég mig á þeirri kaldhæðni alföðursins að hafa ekki séð til þess að ég, fyrir 31 ári, kæmist ekki lengra í þróunarsögu lífsins, en beint í lakið í svefnherbergi foreldra minna...

Nokkrar manneskjur (ég segi nokkrar af því að það hljómar betur en "mamma og pabbi") hafa á ævi minni sagt að þeim finnist ég fullkomin. Þótt ég hafi nú ekki sannfærst, þótti mér notalegt að heyra þetta en það er eins og lífið hafi gert það að markmiði sínu að sanna að þessar manneskjur hafi rangt fyrir sér!
Það er óvinnandi verk að fara að telja upp alla galla mína hér á þessu bloggi, en langar mig þó að deila með ykkur nýjasta kvilla Mattheu.
Þegar bílar eru ekki að keyra á mig, eða krabbamein að læðast aftan að mér, fæ ég hrottalegt ofnæmi. Ekki bara fyrir frjókornum, heldur útbrot og kláða um allan líkamann vegna ódýrs þvottaefnis. Innkirtlar hafa verið fjarlægðir einn af öðrum og munnvatnskirtlar stíflast svo annars lýtalaust andlit mitt fær á sig lögun rassgats.
Margir sem ekki þekkja harðjaxlinn Smattheu, halda að ég sé svo viðkvæmt blóm að ekki megi tala um styrkingu Nasdaq vísitölunnar án þess að ég felli tár. Einnig hafa heilög tár fossað af mínum hvarmi á óheppilegum stundum eins og foreldraviðtölum ofl. Allt þetta án þess að sálin verði þess vör.
Já, í dag fékk ég sem sagt læknisfræðilega skýringu á daglegu táraflóði mínu.
Líklega hefur önnur geislajoðmeðferð mín, ef ekki báðar, séð til þess að þurrka upp slímhúð mína á þann hátt að meðan aðrir geta starað í 15 sek. án þess að blikka, get ég í mesta lagi 6 sek.! Þetta er mikilvæg staðreynd sem þið vissuð ekki um mig en vitið nú. Hah!
Ég er með eilífðar x-leyfi á allar störukeppnir héðan í frá.
Þar sem þetta er ólæknandi en mögulega hægt að slá á þetta með gervitárum og augndropum hvers konar, þarf ég viðbyggingu á lyfjaboxið mitt, spes fyrir augnsvæði hinnar annars fullkomnu Mattheu.
Til að klekkja út vonlausa stöðu mína í baráttunni við þurrkubletti augnanna bað læknirinn mig að vera nú duglega að blikka...hratt, oft og miiikið til að halda augunum rökum!
Akkúrat það sem vantaði upp á flekklaust útlit mitt og framkomu.
Einmitt!!!!!

Ellismellur

2008-07-09T11:08:00.000-07:00

Eins og mig grunaði eru allir hættir að kíkja hingað inn á þessa löngu dauðu síðu mína, svo mér ætti að vera óhætt að setja inn reynslusögu sem átti sér stað í gær.
Við Helga skelltum okkur í göngutúr í gær (soldið kellingalegt). Þegar við vorum búnar að labba einn hring í kringum Rauðavatn, ákváðum við að fara annan (soldið kellingalegt, enda ekki hægt að afsaka sig með því að langa til að sjá útsýnið í seinna skiptið, meira svona tilraun til björgunarhringjaeyðingu!). Þegar við vorum í miðjum umræðum um fjármál heimilanna (soldið kellingalegt), sáum við lítinn strák sem var að reyna að hjóla með mömmu sinni. Við brostum til hans (soldið kellingalegt) og tókum frammúr þeim. Þá skall það á okkur...þessi barnalega, heiðarlega og opinskáa spurning litla stráksins sem hann kallaði út í kyrrt loftið "Eruð þið leikskólastjórar??"(Hrrrriiiiiikalega kellingalegt)
Úffffff

Ljúfa líf, ljúfa líf....

2008-07-08T14:00:00.000-07:00

Mínir kæru foreldrar voru 6-tugir á árinu og af því tilefni buðu þau börnum, tengdabörnum og barnabörnum í sumarhús í Hollandi í tvær vikur...óóó svo gaman :)

Frábært veður og Katla Þöll sá um að bera sólarvörn á liðið
Í sól og sumaryl

En svo kólnaði með kvöldinu...

Mæðgurnar Æsa og Katla Þöll

One big happy family..!

Við Gunni skelltum okkur með 3/4 hluta ungviðisins til Belgíu í hjólatúr

Já, þetta gátum við!

SkrímslaJökull og PrinsessuBjörk

Ég, Þráinn, Björk, Æsa og Gunni skelltum okkur í smá þrautabraut. Hér eru Æsa og Gunni að komast lifandi á leiðarenda

Addý Mára tjillaði á meðan

Bestu vinirnir "Dunni" og Addý

Svo var að sjálsögðu brunað í tívolí, okkur krökkunum til mikillar gleði

Spenningurinn leynir sér ekki...

...hjá ungum jafnt sem öldnum

Svo rann upp dagurinn sem allir höfðu beðið eftir; Katla Þöll Þráinsdóttir 7 ára!!!

Til að halda nú partýinu gangandi eftir að til Íslands var komið, skelltum við Hlédís okkur á landsmót hestamanna til liðs við Arndísi, Ása, Ölmu ofl.

Það var náttúrulega bara tær snilld, hriihiikalega gaman

New York, Neeeew Yooork!!!

2008-05-13T16:25:00.000-07:00

Eftir þrjá daga...

2008-05-05T12:01:00.000-07:00

Víííííííííííííííííííííííííííííííí...

Álagsmeiðsl mótmælandans

2008-04-15T11:39:00.000-07:00

Það er mitt takmark í lífinu að keyra Langholtsveginn ef ég er á annað borð á ferðinni. Ef ég sé grænt ljós framundan, bremsa ég létt og bíð eftir rauðu svo ég geti með góðri samvisku sett í hlutlausann og skimað eftir uppáhalds mótmælanda mínum, Helga Hóseassyni.
Það er fátt sem heillar mig meira en svona ótrúleg þolinmæði (með "dash" af geðveilu) og staðfesta. Að standa svona dag eftir dag með skiltið sitt, sem enginn skilur almennilega hvað stendur á, er vanþakklátt starf.
Í dag tók hjartað mitt þó aukakipp (þar sem ég sat í hlýjum bílnum og starði á Helga). Það var ekki svona mikill vindur úti...ónei. Og nú spyr ég (þann sem ennþá nennir að kíkja á dautt bloggið mitt):

Hefur enginn annar áhyggjur af því hversu skjálfhentur Helgi Hóseasson er orðinn???

Ég á heimsins bestu vini:

2008-03-23T18:50:00.000-07:00

Kennarinn Skratthea veit og kerfið kann á,
börnin lærdómin þurfa og verða að fá.
Einhverfa,fjölfötlun,dóp og snerting óbein,
fræðsla og góðmennska,hlýan, hún er hrein.

Kennarinn Skrattthea laun frá ríkinu fær
Skítalaun, en henni er nær.
Einhverfa, fjölfötlun dóp og rugl
Ætli hún fari ekki beina leið inná BUGL (barna og unglinga geðdeild landspítalans)

Viðlag:
Fyndin og falleg hún fegrar mig með,
með henni ég lífslöngun hleð.
Félagslegt sleipiefni Matthea er,
hláturinn ber hún með sér.

Matthea kemur frísk Danmörku frá,
ákveðin í að setja mark sitt Laugarnesveginn á.
Hvað þarf að gera? jú!! Baðkerið hressa þarf við,
flagnandi blátt er litur sem ég sætti mig við.

Viðlag:
Fyndin og falleg hún fegrar mig með,
með henni ég lífslöngun hleð.
Félagslegt sleipiefni Matthea er,
hláturinn ber hún með sér.

Flest okkar kunna kirtlana sína á,
en Matthea kaus að bíða og sitja hjá.
Óþarfa líffæri hún losar sig við
sem gætu tafið og truflað framhaldið.

Viðlag:
Fyndin og falleg hún fegrar mig með,
með henni ég lífslöngun hleð.
Félagslegt sleipiefni Matthea er,
hláturinn ber hún með sér.

Gunni í fyrsta bekk og til dagsins í dag
hljóðlega fór,en klárlega kunni sitt fag.
Broddar,gleraugu,hippaskott heilluðu hann
í Mattheu Sigurðar ástina hann fann.

Viðlag:
Fyndin og falleg hún fegrar mig með,
með henni ég lífslöngun hleð.
Félagslegt sleipiefni Matthea er,
hláturinn ber hún með sér.

(höf, Hlédís og Þórður Freyr)

www.kindur.is

2008-02-20T13:26:00.000-08:00

Hlédís frænka mín hefur gert ýmislegt skondið, skemmtilegt, frumlegt, fyndið, alvarlegt, áhættusamt, kærulaust og flippað um ævina. Ég hef alltaf stutt kjelluna og vitað innst inni að hún getur allt.

http://www.kindur.is/ er afrakstur mikillar vinnu undanfarinna mánaða og Eigið fé ehf. er Hlédísarbarn frá upphafi til enda.

Um leið og ég óska gullinu mínu til hamingju með þetta allt saman, vil ég hvetja ykkur öll að hætta að telja kindur í andvöku, kaupið ykkur frekar eina. Hættið að smygla inn tarantúlum og snákum. Það er ekkert meira töff en að eiga kind í dag!

Febrúar: segja myndir ekki meira en mörg orð?

2008-02-20T12:23:00.000-08:00

-Í byrjun febrúar fengum við Gunni heimsókn frá Björkinni okkar og vinkonu hennar úr sveitinni og skemmtum við okkur saman heila helgi í borg óttans... Á svona stundum gefst fullorðinsbarninu Mattheu kjörið tækifæri að varðveita barnið í sér; keila, þythokkí, fótboltaspil, bíó, leikhús ofl...gaman gaman

-Héðinn kom til landsins, var faðmaður af ketti og stal sér konu og barni, Ísland er skemmtilegra með honum en án!

-Helga fyllti þrítuginn og ca 40 manns í leiðinni... þarna tók fólk óspart út úr gleðibankanum
Arnar Darri Ásmundsson fékk nafn og hélt áfram að vera jafn mikið krútt og hann var í janúar, desember og nóvember...

- Svoooo var það þorrablót-IÐ. Klikkar aldrei, gleðibankinn var tæmdur og það var hverrar krónu virði

Má kannski geta þess að sökum prómíla var þetta þriðja myndin sem tekin var af þessum, hinar tvær eru ekki birtingahæfar ;)

Gulli afmælisbarn skemmti sér og öðrum

Áður en Hlédís skellti bindi á toppstykkið og hóf að taka 150 kg menn á háhest

-Lilli Hallason og Arnar Darri Ásason eru nýjustu fjölskyldumeðlimirnir og koma sterkir inn

...og Matta frænka er alveg heilluð

Læt myndirnar duga í bili, skrifa þegar andinn kemur yfir mig en þessir mánuðir eru andlausustu mánuðir ársins, vona að hækkandi sól fylli mig blogganda

-Lagaði linkana (loksins), bætti nokkrum við

Kjellingalíf

2008-01-30T09:08:00.000-08:00

Líf Mattheu hefur verið mjög rútínukennt að undanförnu. Okkar allra vegna hefur bloggið verið í lægð því enginn hefur gaman að því að lesa um tilbreytingalausa daga kjellingalífs sérkennara í Laugarnesinu...eða hvað?? ;) Öðru hverju gerist þó eitthvað skemmtilegt, en einhverra hluta vegna á það almennt við um líf annarra en mín. En getur bloggsíðan mín nærst eingöngu á gleðigöngu samferðamannanna? Þetta er þó ekki eina afsökunin fyrir bloggleysinu, því þolinmæði kemur þarna líka sterk inn. Einhver segir að kennarar séu byggðir upp á þolinmæði, en það á greinilega ekki við um mig. Tölvugarmurinn minn hefur tekið alla gleði úr því að sitja á síðkvöldum, spjalla á msn og blogga. Það er fyrst núna síðustu daga sem ég hef áttað mig á því að það er alls ekkert eðlilegt að bíða í korter eftir að tölvan ræsir sig, annað korter eftir að opna netið sem dettur svo út á 5 mín fresti. Eftir fjórtánþúsundasta píkuskrækinn(eða tröllaöskrið öllu heldur) innan úr stofu, rölti hinn pollrólegi Gunni sér í tölvubúð og bætti við einni enn fartölvu á heimilið. Og nú ríkir friður á heimilinu og nemendur mínir fá alla mína þolinmæði óskerta. Og nú blogga ég:

Ásdís kom heim úr Tælands/Kambodíu reisu sinni og bætti birtu í skammdegisþrungið hjarta mitt

Minn gullfallegi og skemmtilegi guðsonur Arinze Tómas átti afmæli og öll Ástralía fagnaði með honum-(og ég líka hér heima)
Íris mín og Halli fjölguðu mannkyninu og bættu typpaling í strákahóp ættarinnar

Ooog við Hlédís drifum okkur austur á hátíðina Norður Vík 2008!

Hér eru frænkurnar Hlés og Katla í íþróttahúsi staðarins

Bingóstjórarnir Matta og Hlédís

Fyrir grettukeppnina

Gleðin í hámarki

Þeir sem sofnuðu fyrstir...vöknuðu svona daginn eftir!

Bless í bili

Þetta er Hlésin mín

2008-01-17T09:52:00.000-08:00

Hún á afmæli í dag...Hún er 28 ára í dag...
Svona saklaus er hún nú ekki alltaf...

...

Systurnar

í áramótadressinu

Skál!

Þaaarna þekki ég þig, sykurpúði

Til hamingju með daginn elsku gleðigjafinn minn

Þessi 31 árs sambýlingur minn...

2008-01-14T08:49:00.000-08:00

...herra Gunnar Gunnarsson

á afmæli í dag

Víííííííííííííííííííííííííííííííííííííííííííííííííííííííííííííííííí

Áramótin

2008-01-07T14:11:00.000-08:00

Gleðilegt ár!

2008-01-06T19:06:00.000-08:00

Long time no see...

Sá óvenjulegi atburður átti sér stað í Ölfusinu að við vorum öll Reykjakotsfjölskyldan saman um jólin í fyrsta sinn í 15 ár!! Ragnhildur, Gísli, Björk og Jökull komu að vestan og Þráinn, Æsa, Katla Þöll, Arnfríður Mára og hvolpurinn Panda að austan og svo duttum við Gunni inn í pakkaflóðið eftir matinn, en hann borðuðum við í Þorlákshöfn. Mamma og pabbi muna rólegri jól en varla skemmtilegri eða fjörugri. Það væri alls ekki orðum aukið að segja að það hafi verið spilað í jólafríinu, mauluð ostakex og snjókarlar og snjóhús spruttu upp hér og þar.

Nokkrar pásur voru teknar í pakkaupptöku til að koma skipulagi á flóðið en sennilega stendur uppúr jólagjöfin frá höfðum fjölskyldunnar, mömmu og pabba til okkar allra hinna; fjölskylduferð í 2 vikur til Hollands í sumar.

Eftir hátíðisdagana skelltum við Gunni okkur svo vestur þar sem spilaæðinu var haldið áfram, nú við hinn ósigrandi Ása, Arndísi, Hlédísi og fjölsk.

Um áramótin setti Gunnsi svo á sig ofnhanskana og galdraði fram veislu fyrir kjelluna (mig) og eftir það hentumst við í Skálaheiðina til Hildar og Gumma þar sem hoppað var inn í nýja árið, knúsast og spilað langt fram á nýtt ár.

Og nú er svo komið að ég er algerlega búin að snúa sólarhringnum við!

-Í jólafrísgleðivímunni tókst mér að kaupa miða til New York í maí, panta hornsófa, koma skipulagi á búslóðirnar tvær sem fylgja okkur Gunna, mála eldhúsið, fara í brunch til Unu og Rúnars, láta krukka í hálsinn minn enn og aftur (ekki krabbameinstengt samt:), komast að veikleika mínum fyrir tölvuleiknum Ludo (já, nördalega rétt, Ludo...efni í annað blogg), bryðja ógrynni af klaka og missa átta skrautkerti í gólfið svo þau brotnuðu!

Ef andinn kemur yfir mig, blogga ég fljótlega um þetta Ludo dæmi, sérstaklega bláu kallana!!!

Ásdís og Sigrún

2007-11-30T10:09:00.000-08:00

Þetta er meistari Ásdís! Jább, þessi eldklári hvítvínsþambari, rúllaði upp eitt stykki mastersgráðu í London og fær hún allar mínar hamingjuóskir með það! Júhúúú
Og hér er ekki síðri meistari á ferð. Þetta er hún Sigrún Ósk. Þessi elska hefur auðgað líf mitt verulega síðan ég kynntist henni og yljar minningin um kindarjarm hennar, mér á síðkvöldum. Sigrún, er annar tveggja yfirlístra stuðningsmanna minna á meðan á einangrun minni stóð í janúar og nú er komið að mér að styðja hana. Í kvöld tekur hún þátt í Útsvari fyrir Akranes, og að sjálfsögðu verður poppað á þessu heimili ;)
Sigrún, þú massar þetta!!!

Óvissuferð ammanna 2007

2007-11-21T13:13:00.000-08:00

Í keramikhúsinu...og svo var tekið á því á einni af slökkvistöðum höfuðborgarsvæðisins
Sjúkraþjálfari og læknir að störfum

Mikið á sig lagt til að vinna keppnina

Eru ekki allir í stuði!!??

Skipuleggjendur óvissuferðarinnar

Ömmur að raða (og skvetta) í sig

Helga og Hildur

Komnar í partý og farnar að syngja í sleifar!! (kelluröddin í laginu)

Kallaröddin í laginu farnar að rasskella Joð okkar

Fleiri myndir eru ekki birtingahæfar...en váááá hvað þetta var gaman :)

Sætastur!!!

2007-11-15T14:57:00.001-08:00

Krúttríkur
Hjá múttu
Gunni fékk að máta Skottfreð litla

Á spjalli við Möttu frænku

Prins Ásason...

2007-11-14T08:12:00.000-08:00

(myndin í láni frá Hlésí móðu)

Litli frændi fæddist í nótt. Víííi..Þessi gullfallegi monsi var 18 merkur og 55 cm!

Arndís og Ási, til hamingju!!!

Þórhildur duglega

2007-11-13T15:14:00.000-08:00

...eignaðist gullfallega Rósu Chiamaka Nzeakor þann 7. nóvember sl.

Ég er svo stolt af þér elsku vinkona

Berlin var...

2007-11-07T08:40:00.000-08:00

og...

og...

og...

( Takið eftir skegginu sem var listilega teiknað á HH þegar hann var í fastasvefni...)

...og svo miklu, miklu meira

Síðan síðast...

2007-11-01T06:57:00.000-07:00

Hef ég:
-Farið á frænkukvöld í Haustakrinum... og hlakkað til að þessar tvær verði léttari
-Farið í surprise afmæli Joð minnar sem fór á kostum allt kvöldið

-Rumskað daginn eftir með hausverk og galtóman gleðibanka

-Átt að gera átta einstaklingsnámskrár fyrir nemendur mína en í staðinn, fest mig í tölvuleik sem gengur einungis út á það að henda geimveru upp í loftið og vona að hún drífi sem lengst...

-Kíkt á hetjuna Rúnar og klettinn hans, hana Unu

-Heimsótt 82 ára ömmu mína sem er með alzheimer og horft á hana leika humar, því hún mundi ekki orðið

-Reynt hundrað sinnum að hringja í upptekna vin minn Héðinn

-Misst af hundrað símtölum frá upptekna vini mínu Héðni

-Fengið endalaus sms frá mömmu sem baðar sig í sjónum á Kýpur tvisvar á dag, fléttar körfur og rúntar um á mótorhjóli

-Fengið góðar niðurstöður frá krabbameinslækninum

-Pakkað ofan í kassa

-Pakkað uppúr kössum

-Beðið í klukkutíma röð eftir dekkjaskiptum áður en ég gafst upp

-Komist í langþráð vetrarfrí

-Hlakkað til að fara til Berlínar á morgun

-Vííííííííííííííííííííííííííííííí...

Ási no-kommentari, þessi færsla er tileinkuð þér!

2007-10-16T15:40:00.000-07:00

Kannist þið við að sjá bara berjaling þegar þið lokið augunum eftir góðan berjamó, kannski kindur eftir réttir o.s.frv. -Ég sá fyrir mér fljúgandi húsgögn á laugardagskvöldinu. Sófa, ísskápa, eldavélar, hillur... Já Gunninn minn er loks alveg fluttur til mín og laugardagurinn fór í flutninga. Þetta annars frekar ágæta samband okkar stóð á brauðfótum seinnipart þessa dags. Ég áttaði mig engan veginn á því hversu mikill áhættuþáttur ísskápsburður er í sambandi fólks. Eftir að hafa rogast með hálfa búslóð milli íbúða kom að bévítans ísskápnum. Fyrst af 2. hæð Barmahlíðarinnar..og þá reyndi á. Þegar Gyða Sól (ég) ætlaði að massa skápnum úr bílnum og upp á 3. hæð, sagði G minn stopp. Sagðist ekki vita hvort sambandið þyldi álagið sem fylgdi því að koma helv. ísskápnum upp í íbúð. Vildi hringja í vin. Ég var nú aldeilis ekki á því, enda var þetta á þeim tímapunkti þegar ég stóð enn í þeirri trú að eitthvað af bingóvöðvum mínum væru í alvöru vöðvar... Við bisuðum ísskápnum út úr bílnum og í gleði minni yfir því að lofta þessu romsaði ég út úr mér hversu létt þetta væri í rauninni, alls ekki eins erfitt og mig minnti..bla bla bla.. engin viðbrögð hinu megin við ísskápinn, svo ég gægðist yfir ferlíkið og varð litið á Gunna, sem hélt á aftari endanum (sem sagt með allan þungann) og frystihólfsmeginn í þokkabót..reeehennsveittur og ekki alveg á því að taka undir með verðandi sambýliskonu sinni hversu einstaklega létt og löðurmannlegt þetta væri eftir allt saman...

Svo hef ég verið einstaklega utan við mig undanfarna daga. Hlésí mín, unglingurinn á heimilinu, fór í aðlögun á annað heimili og mér líður eins og ég hafi sett barnið mitt á leikskólann og það sé bara alls ekkert að sakna mín og ætli sér bara ekkert að koma heim. Já, Hlés býr núna í Bogahlíðinni með Helgu og nú labba ég um stofuna mína, tek kannski upp eins og einn og einn brjóstahaldara sem Hlés mín hefur tætt sig einhverntímann úr (hefur þessa tilhneigingu þessi elska) og finnst skrítið að hafa hana ekki hérna í stofunni hjá mér...buhuu..
Já skrítnir þessir dagar. Ég labbaði næstum inn í menntamálaráðuneyti í dag, eftir vinnu í landb.ráðun. Mig minnti nefninlega að ég hefði lagt bílnum einhversstaðar þar, svo þegar ég fattaði hvert ég væri komin, fussaði ég upphátt og snarsnéri mér við, beint í flasið á einhverjum sakleysingjanum sem hafði labbað fyrir aftan mig.
Já, þessa dagana þarf soldið sterk bein til að vera ég, krabbalæknir á mánudaginn og á ég ekki von á neinu öðru en allt komi vel út þar, segir ábyggilega að það sé ekkert að mér, ég sé bara svona dofin!!

...og afmælisbarn dagsins í dag er....

2007-10-09T12:49:00.001-07:00

...bestasta syssin í öllum heiminum, Ragnhildur. Þessi merka manneskja hafði ekki einungis þau áhrif að gera mig að Wham-ara í stað Duran Duran-ara fyrir nokkrum (mörgum) árum, heldur lít ég upp til hennar í hverju sem ég tek mér fyrir hendur.

Hlakka til að stjana við þig á föstudaginn elsku sysssssssssssssssssssssssssssss!

Arnfríður Mára Þráinsdóttir

2007-10-09T12:43:00.001-07:00

Þessi litla Addý Mára, sem er hér með Kötlu Þöll systur sinni, var 1 árs sl. föstudag. Víííí...

Skuldadagar

2007-10-05T09:19:00.000-07:00

Lífið greiddi fjórum aumum sálum skuld sína í gær.
Eftir að hafa fleytt þessum einstaklingum uppi í hafsjó eymdar og volæðis undanfarnar vikur og mánuði, ákvað lífið að málið fyrir þessi sálartetur væri að skella sér til Berlínar í húsmæðraorlof!
Víííhaaaa...

Berlín?

2007-10-04T10:13:00.000-07:00

Já

Haust

2007-09-18T10:37:00.000-07:00

Rjómi þjóðarinnar, yndislega fólk, takk fyrir kommentin, skeytin, símtölin, sms-in og allar fallegu hugsanirnar í vikunni.
Þetta hefur verið erfið vika, þið hafið gert okkur hana auðveldari.
Nú tekur amstur hversdagsins við eins og alltaf.
Á haustin fæ ég alltaf smá sinnep í afturendann (ekki bókstaflega samt, þó hægt sé að túlka þetta skítugt;) og langar að breyta eitthvað. Burt með kríunum eða lóunni, gera eitthvað nýtt. Ásdís er búin með ritgerðina og kemur bráðum heim, vííí, Hlédís sennilega að flytja í bæinn, Helga orðin skólastelpa, Vigdís komin til London, Arndís að fjölga mannkyninu... Þar sem ég er enn að kenna og það ekkert alveg að fara að breytast, höfum við Gunni ákveðið að rústa baðherbergi þriðju hæðarinnar á Laugarnesvegi 118, taka allt út og setja nýtt inn. Kominn tími á það, en á ég þó eftir að sakna bláu málningaflyksanna sem fylgja manni undir ilinni eftir hverja sturtuferð (blámálning baðkarsins er afleiðing framtaksseminnar eitt haustið...roðn).

Elsku Gréta

2007-09-16T10:17:00.001-07:00

Ég sakna þín...

Héðinn er lentur...

2007-09-02T11:28:00.000-07:00

...og verður í sólarhring á landinu svo hver mínúta er vel nýtt, vííííí...

Sæunn Ósk...

2007-09-01T03:28:00.001-07:00

...og hinir snillingarnir í Unique hár og spa eru þátttakendur í Ísmóti 2007!

Þar keppa þau um Stofu ársins, hársnyrti og hártísku ársins. Það er í okkar almúgans höndum að koma þessum dugnaðarforkum áfram! Hægt er að hringja í s. 900 2040 og velja 305 fyrir stofu ársins, 110 fyrir hársnyrti ársins og 116 fyrir hártískuna. Síminn er opinn til kl 15 á morgun.

Áfram Sæunn!!!

HvísluleikjaDiljá

2007-08-16T16:00:00.000-07:00

Dillzið mitt og Öddi bróðir hennar ætla, ásamt þér og rúmlega 1000 öðrum íslendingum að slá heimsmet í hvísluleik á menningarnótt, er það ekki??

Saumaklúbburinn Sleikur...

2007-08-13T18:23:00.000-07:00

...brá sér á Þingvelli
Byrjaði að sjálfsögðu á því að pulsa sig upp

Tók sér svo flengingarpásu

Og eftir erfiða göngu yfir holt og hæðir (og bannskilti, Diljá!), skellti klúbburinn sér að sjálfsögðu á American Style... í úthverfi!

Ég elska Sleik...elska segi ég!

Hlédís hetja...

2007-08-12T19:46:00.001-07:00

...er búin að skila ritgerðinni !!!

-og Matta frænka er að springa úr stolti af kjellingunni :P

Bragi Freyr

2007-08-11T04:19:00.000-07:00

Í dag á hann Bragi afmæli!!! Víííí...
Þessi gæðagaur er ekki aðeins búinn að klára gráður í öllum deildum háskólanna á Reykjarvíkursvæðinu, heldur er hann nýgiftur, flottur pabbi og útivistarfrík fríkanna...
Til hamingju Bragi minn!!!

Hrabban mín 30 ára!!!

2007-08-11T04:02:00.000-07:00

Þann níunda ágúst varð Hrabbsið mitt þrítugt!!! Húrra, húrra, húrrrrrrraaaa!!!

Þessi síkáta Gyða Sól getur allt en sem dæmi er hún best í handbolta, tveggjamannakapli, snúðagerð, trampólínhoppi, dönsku, og "geðheilsuvinasinnabjörgun" (nýtt orð sem var fundið upp af illri nauðsyn þegar ég steig á danska grund). Hún (og Viktor auðvitað) eru rosalega góð í því að búa til börn og er enginn vafi að nýja nóvemberkrílið verði jafn vel heppnað og Viktoría Dís. Elsku Hrabba mín, til hamingju!

Hvíl í friði...

2007-08-08T19:59:00.000-07:00

...kæri Gulli

Elsku besta Jengan mín

2007-07-31T11:13:00.001-07:00

Í dag er Arndísin mín 29 ára!! Þessi frænka mín, fyrrum sambýliskona og sálufélagi er ein af þeim manneskjum sem fleytt hefur mér í gegnum lífið! Eftir 3 mánuði lítur litla krílið þeirra Ása dagsins ljós og ég hlakka svo tiiiiiiiiiiiiiiiiiiiiiiil!
Og nú hrópum við öll svo undir tekur í fjöllunum; húrra, húrra, húrrrraaaa...

Sæla og kurteisi

2007-07-27T16:50:00.000-07:00

Það er gott að vera einfaldur stundum. Gera bara ráð fyrir því góða. Gleyma að spyrja lækninn sinn hvað kom út úr sýnum og myndatökum, því maður gerir bara ráð fyrir jákvæðum niðurstöðum. Svara umhugsunarlaust, þegar fólk spyr mann hvort maður sé á bíl: "æ takk fyrir að bjóða mér far, en ég er á bíl" án þess jafnvel að íhuga það hvort það hafi sjálft verið að snapa sér far...
Já sælir eru nefninlega einfaldir og þeir eiga svo sannarlega ekki von á (þegar þeir eru farþegar í bifreið frænku sinnar, á blússandi ferð um vesturlandið)...að skrúfa upp rúðuna á handabakið á sjálfum sér, bregða svo illilega þegar rafdrifin rúðan kremur hendina og kippa henni að sér svo hálft handarbakið svífur nú í flygsum eftir þjóðveginum!!!
Nei, þá voru einfaldir sko ekki sælir! Bólgan og marið er rétt farið að dofna núna (arg)!

Svo var ég að spá í kurteisi... Hef oft pælt í henni í sambandi við kurteisishlátur ofl. Önnur birtingarmynd kurteisinnar birtist mér í kvöld þegar ég var að keyra og stoppaði á sebrabraut til að hleypa konu yfir götuna. Kvennsan varð smá skrítin og hristi hausinn eins og hún væri að segja mér að hún stæði þarna bara fyrir helbera tilviljun og fásinna væri að ætla að hún væri á leið yfir götuna, svo ég ætlaði að halda áfram, en þá gekk hún hikandi af stað yfir götuna. Ég snar stoppaði náttúrulega og hleypti henni yfir. Þegar ég hélt svo áfram sá ég í baksýnisspeglinum að hún horfði flóttalega á bílinn minn.. og læddist svo aftur tilbaka yfir götuna!!!
Hjúkk að hún sýndi mér þá kurteisi að fara yfir þegar ég stoppaði, annars hefði hún hlotið verra af!
-Kannski hræddist hún útlitið á ökumanninum, mér. Skil ekki hvað það var sem hún ætti að vera hrædd við... blóðhlaupnu augun eftir frjókornaofnæmið?, bólgna kinnin eftir stífluðu munnvatnskirtlana?, eða marið handabak mitt eftir "bílrúðuslysið"hér ofar í færslunni... ?
Jah maður spyr sig!

Þórhildur 30 ára

2007-07-19T11:33:00.001-07:00

Þórhildur mín er þrítug í dag!!! Húrra , húrra, húrrrrraaaaa...
Við Þórhildur höfum búið saman á Laugarvatni, Mávahlíð og Stóragerði. Svo flutti hún til Ástralíu. Ég sakna hennar :( Hennar sonur er guðsonur minn og fallegra barn er vandfundið.
Risa knús til Cairnes, Þórhildur, þú er æði! (gefð´enni blóm, já gefð´enni blómavönd...!)

Stolt guðmóðir með Arinze Tómas í fanginu

Meira úr Möttulífi

2007-07-18T10:21:00.000-07:00

Heiða Björg yndislegasta Í HEIMI varð þrítug þann 10. júlí...
Og svo lét ég verða af því að halda saumó:

Ég, Gulla og Sigga skelltum okkur í rafting niður Hvítá á laugardaginn... þvííílíkt stuð

Svo var hann Guðlaugur Hermann Bergþórsson skírður (Guðlaugur Hermann)...

Við Gunni tókum foreldrarúnt í Ölfusið og grilluðum með mömmu, pabba og Kötlu...

2007-07-08T19:23:00.000-07:00

Katla Þöll Þráinsdóttir er orðin 6 ára... 6 ára!!!!! Til hamingju með það ormurinn minn

2007-07-07T05:06:00.000-07:00

Undanfarnir dagar!

Brúðkaup Braga og Eyglóar:

Bragi og Hulda:

Eygló:

Frænkuhittingur hjá Írisi í Hafnarfirðinum... Hlédís, Arndís og Snædís: Alma og Sigfús Kjartan:

Íris, Sigfús og Snæja:

Sigrún og Arndís:

...Og svo var krakkahelgi hjá Möttu frænku. Jökull, Katla Þöll og Björk:

Í Húsdýragarðinum:

Í bíó:

Líf mitt sem Matthea

2007-06-20T11:57:00.000-07:00

Mig langar að blogga í gleðifréttastíl, í hnyttnum stikkorðum sem lýsa líðan minni og gjörðum síðan ég bloggaði seinast. En ég er ekki skyld honum Bjössa ömmubróður mínum fyrir ekki neitt og því kemur hér veikindalisti undanfarins mánaðar, en þó skal ég reyna að halda saurlýsingum í lágmarki, þó ég þykist vita að það myndi Bjössi frændi sko ekki gera...

Ég fór seint niður úr skýjunum eftir júbileringuna. Já hamingjan og gleðin umléku mig svo að ég hélt að ég væri komin með harðsperrur í kinnarnar af brosi helgarinnar...en nei, ónei. Þessi harðsperrutilfinning breyttist smám saman í doða, sem varð að bólgu sem lak niður eftir kinnunum á mér og niðrí háls og aftur fyrir eyra. Ef þið eruð farin að sjá mig fyrir ykkur eins og Martin Short í Pure luck eftir að hann var stunginn af flugunni, þá er það ansi nærri lagi. Eftir læknaheimsóknir með tilheyrandi biðum, öðru og þriðja áliti þar sem ég þurfti aftur og aftur að segja saklausum rómi að ég hefði bara verið að drekka djús og lesa blaðið þegar fílamaðurinn í sjálfri mér braust svona skyndilega út, varð niðurstaðan sú að sennilega hafi geislajoð janúarmánaðar sest í munnvatnskirtlana á mér sem taka upp á því að bólgna upp við hinar og þessar aðstæður! Gaman
Ég sem er nýfarin að geta gengið upprétt aftur eftir að hafa rústað bakinu með því að þræða einfalda stíga Esjuhlíða...

Ég er hætt að vinna í Öskjuhlíðarskóla. Ætla að gerast unglingakennari í Brúarskóla á næsta ári en sit við tölvu í ráðuneytinu í sumar, eins og sl. sumar.
Við Gunni skelltum okkur norður á Akureyri í tveggjadaga fríinu mínu, á milli vinna, í síðustu viku. Við gistum á Laugum í Dalasýslu á leiðinni og ég tapaði mér í Vegahandbókinni... svona er þá í heimi hinna fullorðnu, Héðinn! ;)

En aftur að óförum mínum. Eftir vinnu í dag ákvað ég að halda upp á að bólgan í kinnunum (sem náði hámarki sínu í sólinni á Austurvelli í hádeginu þar sem íslendingar gátu sólað sig og horft á fríkið, Mattheu í leiðinni) væri að hjaðna og að bakverkurinn (sem ætlaði að fara að láta aftur á sér kræla í gær) væri á "bak" og burt. Ég bretti því upp ermar og flokkaði dósir og flöskur og brunaði í endurvinnsluna. Þar sem toppstykkið er það eina sem lítið hefur brugðist mér að undanförnu, átti ég ekki von á því að lenda í nokkrum samskiptaörðugleikum við afgreiðsluna, en annað kom á daginn. Konan sem lætur mann fá peninginn við afgreiðsluna var að segja mér eitthvað, sem ég ekki heyrði því hljóðneminn sem hún átti að tala í stóð eitthvað á sér.. Ég greip þá til "mest notaða orðsins í sambúð okkar Þórhildar í Mávahlíðinni", "HA" og færði eyrað alveg að hátalaranum sem var í glerinu á milli okkar... hrökk þá hljóðneminn í samband, ásamt því að kellugreyið hafði hækkað róminn "VILTU AÐ ÉG LEGGI ÞETTA INN Á DEBETKORTIÐ ÞITT!!!!!!!" Þetta er sennilega síðasta setningin sem ég heyri á ævinni því eftir að hafa klæjað lengst inní heiladingul, heyri ég bara suð... og allt þetta fyrir skitinn fimmtánhundruðkall!!

Það bjargaði þó deginum þegar ég var stödd á matsölustað fyrr í kvöld þar sem hálfstálpaðir unglingar, starfsmenn á matsölustaðnum hölluðu sér upp að afgreiðsluborðinu og nenntu greinilega ekki að vera þarna. Kona með þrjá litla stráka var á borðinu við hliðina á mér og elsti strákurinn, kannski fimm/sex ára gekk um staðinn og horfði á fólk og boraði í nefið. Hann labbaði upp að afgreiðsluborðinu til unglinganna og tilkynnti þeim að hann hefði misst tönn.. svo gapti hann til þeirra til að sýna þeim og þau gerðu sem þau gátu til að sýnast áhugasöm en tókst ekki. Hann gekk aðeins um staðinn og kom svo aftur að afgreiðsluborðinu, spurðu hvort þau ættu lítinn poka.. opnaði lófann og út valt lítil, hvít, blaut og smá blóðug tönn... þessu áttu unglingarnir ekki von á og hryllingssvipurinn á pæjunum var óborganlegur!
Sá litli fékk þó tóma kokteilsósudollu til að setja tönnina í og valsaði hann ánægður um staðinn og uppskar aðdáunaraugnaráð bræðra sinna sem bíða þess nú að tennurnar þeirra fari að losna!

Þeir sem eru enn að bíða eftir að ég sendi þeim myndir úr júbileringunni; ég er ekki búin að gleyma því, póstforritið er bara e-h að stríða mér.. Myndirnar koma vonandi bráðum.

Brúðkaup Braga og Eyglóar á laugardaginn.. gaman!

Júbílering

2007-05-29T13:20:00.000-07:00

Váááá hvað það var gaman...

Elsku, elsku besta Ásdísin mín...

2007-05-23T14:17:00.001-07:00

...er þrítug í dag!
Eftir einn og hálfan sólarhring lendir kellan á landinu góða og þá munum við gleðihoppa..vííííí
Ég hlakka til, svoooo til. -Ásdís þú ert æði

Long time...

2007-05-19T08:13:00.000-07:00

Hádillí!
Í gær fékk ég afmælisgjöf frá Arndísi og Ása. Þau buðu mér í Laugar spa þar sem ég fékk nudd beint frá himnaríki og svo slökuðum við Arndís á í pottunum, gufunum og dekrinu þarna í baðstofunni, nörtuðum í salat, kjöftuðum og losuðum okkur við allar áhyggjur heimsins.
Takk takk takk takk takk takk takk takk takk...

Við G minn skelltum okkur í sveitina um daginn og fengum lánaða eina prinsessu sem er alveg að verða sex ára. Katla Þöll:

Eitt sinn sveitamaður, ávallt...

Vííí..

Hlésíin okkar er komin heim, óójá. Það er bara gott að sjá hið fagra fés hennar á ný.

Vika í júbileringu á Laugarvatni, þá kemur líka Ásdís, Héðinn og fullt af flökkudýrum (Júdasar vinahandbókar Mattheu)

Gaman gaman...

Það er komið sumar...

2007-04-30T16:16:00.000-07:00

Hæ hó og jibbí jei!!!
Já þótt krækiberið Matthea sé kannski enn í helvíti þýðir það sko ekki að það sé aldrei neitt að gerast!

Á sumardaginn fyrsta komust gullmolarnir mínir í 8. bekk Öskjuhlíðarskóla í fullorðinna manna tölu og játuðu trú sína frammi fyrir guði og mönnum. Stolt ættingja kennara og vina var áþreifanlegt í kirkjunni þennan frábæra dag því allir stóðu sig með sóma :)

Ekki hefur bara ríkt gleði á bænum því fyrir nokkru andaðist Jónas annar, grænn og slímugur lífsförunautur minn sl. eina og hálfa árið. Í bíómyndunum leggjast gæludýr oft nálægt eigendum sínum, horfa stoltum augum á húsbændurna, glaðir með trygglyndið í gegnum tíðina...

En ekki froskurinn minn...ónei

Hann bólgnaði upp á fótunum og þeir urðu svona mygluloðnir og ógeðslegir. Svo flaut hann við vatnsyfirboðið og hreyfði sig hægt og rólega þar til hann stífnaði upp og fór yfir móðuna miklu!

Ég var ekki sein á mér, útbjó líkkistu úr cheeriospakka og svo var brunað austur í Ölfus þar sem uppþornuðum prinsinum mínum var komið undir græna torfu! Gunni og Viktor báru kistuna og grófu holu en ég smeygði tannstönglakrossinum niður í mosann.
Nú er Hrollaugur Bósi einn eftir í búrinu og gerir sér dagamun með því að hleypa öðru hverju umfrymi út um bakið á sér.. af hverju keypti ég mér ekki bara kött á sínum tíma!!

Hún Hlédís mín og Sigrún Ósk koma heim eftir 2 daga (eða næstum bara einn) og það gefur mér ástæðu til að garga svo hátt að undirtekur í blokkinni...Húrra, húrrra, HÚRRAAAAAAA!!!

Bless í bili

Lífið eftir þrítuginn

2007-04-07T08:09:00.000-07:00

Þetta er hin súperhressa (enda á nýjum og öflugri lyfjaskammti) Matthea sem þarna situr á Austur Indíafjelaginu og fær sér vatnssopa með tilþrifum. Matthea er eymingjabloggari. En þrátt fyrir þá staðreynd er hún nokkuð hamingjusöm þar sem veraldlegir hlutir gleðja hana mikið og þegar þessi mynd er tekin er hún stoltur eigandi Ipods og nýrrar stafrænnar myndavélar. Allt sem hægt er að kaupa fyrir peninga kallar fram bros á vörum kjellingarinnar. Hún hefur þó líka gaman af ferðalögum (eins og sönnum fegurðardrottningum sæmir) og hefur því skellt sér upp í bústað um páskana, vestur í Staðarsveit og á skotæfingasvæði suðurlands. Svo þvær hún á milljón í nýtengdu þvottavélinni sinni (takk elsku Gunni minn) og dansar um hreinu stofuna sína (enda á nýjum og öflugri lyfjaskammti eins og áður sagði)...

Já þegar vinir manns yfirgefa mann til framandi landa hefur maður bara um sjálfan sig að tala og það getur verið sorglegt eins og þessi færsla ber vitni um...ENNNN

í dag kemur Helga heim úr Ástralíureisu sinni og svo er Hési minn í Íslandsskreppi á morgun.. og gárungarnir halda því fram að danadrottningarnar Þórir og Kiddi séu jafnvel á klakanum..víííí

Já og takk svooo mikið fyrir öll kommentin sem fleyttu mér og okkur tvibbunum inn í þrítuginn.. fannst vænt um þau !

Þessir sveitalubbar...

2007-03-21T03:33:00.000-07:00

...eru þrítugir í dag!

Minn ástkæri Héðinn

2007-03-09T13:17:00.000-08:00

Héðinn minn varð þrítugur í gær...ATH hann er þrítugur en ekki kominn á fertugsaldurinn því í gær urðum við sammála um fáránleika þess að kenna hvern tug sem maður slagar uppí, við næsta tug á eftir... Hann er þrítugur og ekki orð um það meir!!

Ég sakna hans...ójá það geri ég.

Ég sakna...

2007-02-26T10:43:00.000-08:00

Hlédísar minnar svooooo!!

It´s alive!

2007-02-25T04:41:00.000-08:00

Hún Una mín er þrír og núll í dag og vil ég senda allar mínar hamingjuóskir til hennar, sem nú er stödd í London baby! Hipp hipp húrreiiiiii

Já nú settist eymingjabloggarinn Matthea loksins við tölvuna og ákvað að láta í sér heyra, eftir dálitla fjarveru.

(Áður en ég held áfram langar mig að þakka ykkur öllum fyrir komment og fyrir að hugsa til mín, en ég er sem sagt sprellalæv og þjáist ekki af öðru en ritstíflu og flensu).

Þegar ég ætlaði loks að skella einhverjum orðum inn á síðuna mína, er bara búið að breyta öllu kerfinu og ég þurfti að endurnýja allt heila skráningaferlið..mjög skýr skilaboð um að ég hafi dissað bloggið í smá tíma. Leið soldið svona eins og ég væri búin að klæða mig upp og væri á leiðinni á Sportkaffi þegar ég kæmist að því við dyrnar að það væri sóóó yesterday og væri búið að skipta oft um nafn síðan...

Well, ég er allavega hingað komin aftur, þó að það hafi nú verið freistandi að bíða aðeins með það því hann Þórir minn ætlaði að fletta því upp hvað vinahandbókin segði um svona eymingjabloggara, en þar sem hann er staddur í Kanada, veit hann kannski ekki að einn ákveðinn vinur okkar í danmörku keypti allt upplagið af bókinni og tróð því þversum uppí rassgatið á mér... var e-h ósáttur við ákvæðið þar sem fleiri vinum er bannað að flytja til útlanda..en já, það hefði verið gaman Þórir minn að hitta þig, hvað þá gramsandi í sunnanendanum á mér ;)

Þegar ég bloggaði síðast var ég svo upprifin og kát yfir að komast út í hversdagsleikann á ný, að ég tók alls ekki eftir því þegar flensuviðurstyggðin læddist upp að mér og kolfelldi mig daginn eftir að ég kom heim af spítalanum..já og svo voru gluggarnir teknir úr íbúðinni hjá mér vegna framkvæmdanna og neglt fyrir, ég er sem sagt konan sem er dæmd til að vera í einangrun.

Ég tók flensuna mjög skipulega, byrjaði á öllu sem byrjar á stafnum H : Hálsbólgu, hita, hlustaverk, hausverk, hósta... og svo tók ég bara allt stafrófið í veikindum og eymingjaskap eftir það!

En margt skemmtilegt hefur alveg líka gerst í mínu lífi þó að ég hafi soldið tileinkað þessa mánuðina veikindum og heilsufarsveseni.

Ég fór á þorrablót fyrir vestan. Mjöög gaman allt saman, dansaði í fyrsta skiptið við Gunna minn og í kjölfarið var gert þegjandi samkomulag okkar á milli að við færum á dansnámskeið við fyrsta tækifæri.

Hér er búið að skipta um alla glugga nema einn (alveg satt, þó Júlía haldi því fram að það séu ekki rassgat framkvæmdir í gangi í blokkinni minni, ég noti þetta bara sem afsökun til að þurfa ekki að bjóða í saumó ;)

Þrásinn minn er að verða búinn með grindina á húsinu þeirra Æsu, og stefnan er að reisa það á morgun.

Ég er búin að fara í matarboð og kaffihúsaspjall með saumaklúbbnum mínum Sleik, sem er loks sameinaður eftir að Diljá flutti aftur heim til Íslands. Já og skemmtistaðurinn Boston er hið íslenska svar við Englinum okkar í Árósum, sem sagt aðal hýsill saumaklúbbsins Sleiks.

Jæja, komið að því að tékka hvort þessum línum sé publishað eins og á gamla bloggernum.. ef þetta hins vegar hverfur þá geta nágrannarnir þakkað fyrir að hér sé neglt fyrir gluggana..;)

Í dag er dagurinn

2007-02-01T06:20:00.000-08:00

-sem ég kom heim úr einangrun
-sem Arnfríður Mára skellihló að ömmu sinni í fyrsta skiptið
-sem ég pantaði mér tíma í plokkun og litun, klippingu...
-sem ég hef beðið eftir í 4 langa daga
-sem ég lofaði lækninum mínum að hafa engar áhyggjur og drífa mig út og lifa lífinu
-sem ég sá fallegasta blómvönd í heimi standa á stofuborðinu mínu til að taka á móti mér
-sem kærastinn minn fær stórt knús fyrir blómvöndinn
-sem ég kann næstum að meta hið "heimilislega" hljóð í borvélum og hamarshöggum fyrir utan blokkina mína
-Ath NÆSTUM
-sem íslenska handboltalandsliðið tryggir sér keppni um 5.sætið
-sem allt er betra en mig minnti

já í dag er svo sannarlega dagurinn :)

Sííííðasti dagur einangrunar

2007-02-01T02:30:00.000-08:00

Þó að ég ætti mjög fjöruga og skemmtilega æsku, komu upp stundir þar sem mér leiddist ógurlega og þurfti að finna leið til að drepa tímann.
Við Þráinn þrættum um það lengi hvort það væru 53 eða 56 stjörnur í loftinu á Staðarstaðarkirkju og eins vorum við búin að koma okkur upp kerfi til að telja götin í loftplötunum á tannlæknastofu Sigríðar á Selfossi.
Áðan fór ég í skann og velti því fyrir mér í leiðinni að ef þessi skanni virkaði eins og sá sem ég er að nota í vinnunni uppí ráðuneyti, þá væru til möhöörg eintök af mér því mér finnst eins og ég sé alltaf þarna..hmmm..
Allavega, nú þurfti ég enn og aftur að liggja grafkyrr og óluð niður á bekk. Um leið byrjaði mig auðvitað að klæja en til að forðast að hugsa um það leitaði ég ráða til að drepa tímann.
Mér fannst fyrir neðan mína virðingu og ég löngu vaxin uppúr því að nota sömu aðferðir og í "gamla daga" svo ég reyndi að skotra augunum á skannann til að sjá vísindalegar tölur um myndatökuna, eða að pæla í verkfræðinni á bak við allt þetta skanna dæmi...
Það er skemmst frá því að segja góðir lesendur að það er 61 rim í ljósakrónu flúorsljósinu fyrir ofan skannann niðrí ísótóparstofu LSP!

Geislavirkur andskoti

2007-01-30T14:57:00.000-08:00

Það sem varð til þess áðan að ég stóð hér í glugganum mínum, skríkjandi af kátínu var hann Gulli minn. Hann ávað að berja vinkonu sína augum og renndi hér í hlaðið og tókst ætlunarverk sitt...barði mig augum. Það sem meira var þá tók hann sína útgáfu af gjörningnum "Geislavirkur andskoti" sem var í vinnslu í síðustu geislun minni. Hann gekk hérna um túnið eins og vélmenni og ég er viss um að ég var ekki sú eina sem skríkti, heldur líka ábyggilega deild 12E, 13E og 14E ef því er að skipta. Takk fyrir okkur Gulli gullmoli

(nýjustu tölur frá Indlandi herma reyndar að þar í landi sé gjörningurinn Geislavirkur andskoti einnig í vinnslu, en varla er hægt að ætlast til þess að hann berist hingað fyrir utan gluggann minn fyrir frelsisdaginn mikla, fimmtudaginn)

-Og þúsund þakkir fyrir símtöl, komment, sms, pósta ofl.. ég á svooo gott fólk! Þó að íslensku handboltastrákarnir séu kannski strákarnir okkar, þá eruð þið fólkið mitt!!
ójá

Magasár

2007-01-30T12:39:00.000-08:00

Já ykkur get ég sagt að ef þetta geislajoðferli drepur mig ekki (sem það gerir auðvitað ekki) þá dey ég úr spenningi yfir þessum leik!!!
Váááá hvað þetta er spennandi. Nú er gaman að vera íslendingur. Veit af Írisi minni einni á bar í Köben að naga á sér táneglurnar, komin í rauðvínið að hvetja sína menn!
Ég hins vegar æði hér um í kompunni minni og garga reglulega, eflaust hafa aðrir sjúklingar á deildinni getið sér um það af hverju ég sé í einangrun...
úfff.. framlengingin að hefjast!

Gott að þú sleist þetta krabbamein úr þér...

2007-01-30T07:07:00.000-08:00

...sagði Katlan mín litla við mig í símann áðan. Einhver hefur verið að upplýsa hana um ástæður þess að ég gæti ekki verið í Reykjakoti núna og knúsa alla krakkana "mína" sem eru í pössun hjá ömmu og afa. Katla málar nefninlega svo einfalda mynd af heiminum og mér finnst það frábært! "Einu sinni var kúla í hálsinum á Möttu frænku, en nú er búið að slíta hana burt" segir hún eins og ekkert væri sjálfsagðara...enda er ekkert sjálfsagðara :)
Helsta breytingin frá því ég var hérna síðast er sú að nú hef ég ekkert að skrifa um :( Þetta er allt svo ótrúlega svipað og síðast, enda sama ferlið.
Hver nennir að lesa pistla eins og;
-"ég teygði höndina fram og kom við eitthvað hart og ávalt. Ég þuklaði á því góða stund...júbb þetta var þá gulrótin sem átti síðar eftir að rata beint í munn mér"..
-eða-
-"eftir að hafa velt þessu fyrir mér allnokkuð og lagt fyrir nefnd sem samanstóð af mér einni og yfirgefinni, ákvað ég að Lost væri málið, að Heroes þyrfti að bíða betri tíma fyrst RUV og Skjáreinn gátu ekki séð sóma sinn í að hafa sinn hvorn sýningartímann á þessum frábæru þáttum"...
Niiiii, enginn nennir að lesa svona eitthvað. En þó get ég upplýst ykkur um það, að áðan fékk ég að taka inn skjaldkirtilshormónin mín í fyrsta sinn síðan á jóladag og það urðu svo sannarlega fagnaðarfundir. Ég brosti til þessara gleðipilla, blikkaði þær og gleypti svo með bestu lyst! Og gott ef hjartað fór ekki að slá örlítið í kjölfarið.
Gunni minn kom áðan í heimsókn til mín. Hann stóð fyrir utan gluggann minn í gott korter og spjallaði við mig á meðan ég teygaði að mér andrúmsloft hinna frjálsu (tíhíhí) Næst þegar hann kemur ætlar hann að kasta upp til mín Subway, vííí!
-Í gær átti ég frábært msn-spjall við Héðinn, Ásdísi og Hlédísi. Við erum öll stödd í sitt hvoru landinu að gera ólíka hluti. Héðinn er á leið til Oslóar í dag og fer svo á ráðstefnu fréttamanna um ESB til Brussel. Ég var að skora á hann að blogga um það, en hans dagsönnu rök fyrir hinu gagnstæða voru að hver nennti svo sem að lesa skrjáfaþurrt blogg um ráðstefnu um ESB. Við komum þá með þá tillögu að það yrði skemmtilegt blogg ef hann skrifaði á smámælsku. "Ráðþtefna um EEþþBé átti þjér þtað hér í Bruþþel"..haahaha
Næst blogga ég þegar e-h ótrúlega spennandi gerist, eins og þegar í ljós kemur hvort ég fæ mér epla-eða appelsínusafa með flatkökunni minni...ekki fara langt, spennandi blogg framundan ;)

Heim, geislavirka heim!!

2007-01-29T11:21:00.000-08:00

Hæ hó.
Ég er komin aftur á stofu 12 á deild 11E á LSP við Hringbraut. Bara gaman að því. Þegar ég var að taka mig til í morgun með það markmið að hafa allt í sem smæstu umbúðum (sem má svo henda eftir einangrunina), fattaði ég að alvöru húsmæður safna krukkum til að sulta á haustin, en ég safna krukkum til að setja krem í fyrir einangrunarvistir!!
En já, vegna þeirrar staðreyndar að ég hef komið hingað áður í sama ferli, er eins og þeir sem öllu ráða hér finnist, að ég eigi bara að kunna þetta allt. Ef ég spyr, er horft á mig eins ég sé aldargömul húsmóðir sem segist ekki kunna að sjóða kartöflur! En þetta rifjast alveg upp og núna er ég komin með Layzboy líka..ekki ónýtt það!
Áður en ég mátti fara niður á ísótópastofuna voru nokkur formsatriði sem þurfti að ganga frá, þar á meðal langur spurnigalisti. Hin indæla kona sem sá um framkvæmd spurninganna spurði svo oft hvort ég væri kvíðin að ég var farin að kvíða fyrir að næsta spurning snérist um kvíða. Alveg eins og síðast, þá var svo mikil áhersla lögð á að sjokkið kæmi seinna osfrv að ég þorði varla að segja að ég væri í meira sjokki yfir sjokktali þeirra en yfir æxlinu í hálsinum á mér!
Well þegar kom að því að fara niður, fékk ég sjokkið! Jább, innanhúsarkitektinn sem sér um fataval mitt á meðan ég ligg hérna, gleymdi alveg að gera ráð fyrir niðurþröngu föðurlandi og sokkum. Þar sem ég var í þann mund að þramma niður um hæð á spítalanum sætti ég mig nú ekki við það og BAÐ ÞVÍ UM förðurlönd (ath ekki einusinni bara í eintölu) til að hylja mesta bjúginn á ökklunum ;)
Já en þetta verður eflaust fljótt að líða og nú er ég bara að vona að iðnaðarmennirnir sem eru að gera við blokkina mína, drífa það af að skipta um glugga því ég veit margt girnilegra en að koma heim eftir 4 daga einangrun, beint í íbúð þar sem búið er að taka gluggana úr og negla fyrir gluggana!! Já ég lifi á ystu nöf ;)
Góða nótt

Heimspekilegar pælingar

2007-01-24T15:14:00.000-08:00

Björk 8 ára: Hvernig ætli geislavirkt joð sé á bragðið?

Jökull, alveg að verða 4 ára: Hmmm.. hvernig ætli geislavirkt Bé sé á bragðið??

Launahækkun fyrir nektarmódel!!!

2007-01-24T05:37:00.000-08:00

Þó ég hafi nú verið alklædd í þetta sinn, fannst mér eins og ég finndi til samkenndar með nektarmódelum sem þurfa að vera í sömu stellingunni í ákveðinn tíma til að málarar geti nú dregið upp allar þeirra línur...
Ég vaknaði kl átta í morgun í þeim tilgangi einum að tæma úr microlaxtúbu í óæðri enda minn! Já einusinni fannst mér verst að þurfa að vakna til vinnu, en þetta er sem sagt verra. Well þegar ég var orðin gljáfægð að innan, henti ég mér í sturtuna og var að klára sjampórútínuna þegar ég fékk sterklega á tilfinninguna að einhver væri að horfa á mig.. júbb, pólverji á svölunum sem hafði haft gott útsýni yfir "svalirnar" á mér þar sem ég beraði mig í sturtunni, hann sá nú í iljarnar á mér.. vá hvað það verður gott þegar þessar framkvæmdir á blokkinni verða búnar!
Þegar ég kom upp á spítala lagðist ég á þvengmjóan bekk og var óluð niður sem fyrr! Þar átti ég að liggja næstu 2 tímana hreifingarlaus..=samkenndin með nektarmódelunum sem mega ekki hreyfa sig í X tíma. Merkilegt hvað manni klæjar alltaf einhversstaðar þegar maður má ekki klóra sér.
Niðurstaða læknanna eftir þetta mini-geislajoðsferli mitt er sú að myndirnar úr skannanum komu ágætlega út, en blóðprufan ekki eins, svo þeir vilja loka mig aftur inni! Já, ég fer sem sagt aftur í geislajoð á mánudaginn með tilheyrandi einangrun og skemmtilegheitum.
Þetta var vissulega ekki besta niðurstaðan, en alls ekki sú versta heldur. Ég þarf bara að þrauka lyfjalaus í nokkra daga í viðbót. Er sennilega búin með tárakvótann minn (búinn að vera erfiðust seinni hluti lyfjaleysis), fólk er orðið vant úfnu konunni á göngum skólans sem hvæsir ef e-h kemur uppá og svo er auðvitað ágætt að hægt sé að nota þetta lyfjaleysi til að joða mig, ég er viss um að ég þoli annað lyfjaleysisferli í bráð ;)
Ég verð inni fram á fimmtudag og svo í geislandi afslöppun hér heima fram yfir fyrstu helgina í feb. Svvoooo byrjar líf mitt á ný og ó, hvað ég hlakka til!!
Ef einhver góður lesandi hér veit um bók sem nauðsynlegt er að lesa þegar maður hefur tíma, þigg ég með þökkum ábendingar, því þarna hef ég tíma og ekki væri verra að geta drepið hann með lestri góðra bóka!!
Óver end át!

Hlés mitt á afmæli, afmæli á mitt Hlés!

2007-01-17T15:19:00.000-08:00

Í dag er Hlédísin mín 27 ára og heldur upp á það með ræpu í 14 klst. rútuferð á Indlandi. Ég væri til í að hún væri frekar hér hjá mér!
Þegar ég er döpur hugsa ég stundum um það þegar við Hlédís vorum að labba niður Laugarveginn eitt sumarið og þá mætti okkur vesæl vespa. Hlésið afrekaði það að stökkva hæð sína í loft, slengja veskinu sínu í ruslatunnu og vekja sofandi barn í nærliggjandi bíl (mamman var ekki kát), brjóta nögl og prumpa í leiðinni. Þetta fannst mér fyndið! Allar mínar bestu óskir til þín elsku Hlé, hlakka til að fá þig heim aftur.

Mín ástkæra Joð...

2007-01-16T08:10:00.000-08:00

...skellti sér í það að fjölga mannkyninu í gær!
Þetta er í annað sinn sem hún tekur að sér þetta hlutverk, og í þetta sinn kom lítill stráksi í heiminn á no time!
Það er ekki laust við að hin lyfjadofna og lífsmetta (þessa dagana) vinkona hennar, ég, hafi fundið hjartað slá smá á ný, en það getur líka bara verið högg frá serbneskum smiði sem hangir öllum stundum á svölunum hjá mér..
En allavega er ég ó svo glöð og stolt af stepplunni minni!
Vei vei vei!!!

Afmælis"barn"dagsins

2007-01-14T16:36:00.000-08:00

er hann Gunni minn!

Kallinn hellti sér inn í fertugsaldurinn með massa matarveislu í gærkveldi sem samanstóð af humri, lambi og eftirrétti kjellunnar (þeas tobleronebombunni minni).
Já nú er þessi elska orðinn eldri en ryk og er það bara vel!
Til hamingju með þrítuginn gamli minn :)

Gleðilegt nýtt ár

2007-01-02T05:59:00.000-08:00

og takk fyrir það gamla!
Ótrúlegt alveg að 2007 sé komið, það liggur við að það sé mjólk í ísskápnum sem rann út árið 2000, þetta er svo rosalega fljótt að líða allt saman.
Ég er soldið hrædd um að bloggandinn sem yfirgaf mig seinnihluta þessa árs, sé ófáanlegur til að koma tilbaka. Þegar ég er löggst upp í rúm, með tölvuna í fanginu, tilbúin að upplýsa ykkur um e-h ótrúlegt úr mínu lífi eða annarra, heyrist bara suð í hausnum og allir angar eru utan þjónustusvæðis :(Hugsanlega er skýringin líka sú að ég er næstum hætt að sjá á skjáinn fyrir undirhökunni á mér, sem skyggir á flest allt þessa síðustu og verstu daga (ræktin, hvaða fyrirbæri var það aftur).
Í andartaks bjartsýniskasti ákvað ég að vinna uppí ráðuneyti í fríinu mínu frá skólanum. Jább, ætlaði að taka jólafríið með trompi og vinna allar þær stundir sem ég væri ekki að versla jólagjafir, baka, skreyta, skrifa jólakort eða sofa. Þetta fór þó svo að ég vann 2 daga, hengdi einn jólakertastjaka upp í loftið, bakaði ekki neitt, svaf lítið og öll jólakortin sem ég skrifaði eru ennþá í veskinu mínu, og ég bíð eftir að þau fljúgi af stað til réttra viðtakenda :) Ekki get ég kennt lyfjaleysinu um, því það hófst ekki fyrr en á jóladag!
En talandi um það. Einhverjir bíða spenntir eftir hormónasögum þar sem ég brest í söng við hin vandræðalegustu tækifæri eða skellihlæ að e-h sorglegu, en ekkert slíkt hefur þó ennþá gerst. Ég er samt frekar slöpp öll og finnst eins og síðasta lyfjaleysi hafi farið betur af stað. Er sennilega hægt að skella e-h skuld á jólin og þeirri óreglu á svefni og mataræði sem þeim fylgir. Þó vatnaði ég nokkrum tugum músa eftir spilakvöld með fjölskyldunni, öllum að óvörum og ekki síst sjálfri mér...alveg eðlilegt að eiga notalega spilastund með fjölskyldunni og halda upp á kósý stemningu með því að háskæla upp úr þurru (veit að þið haldið að ég hafi tapað og notað lyfjaleysið sem afsökun til að væla eins og frekur krakki, en neibb, tapaði ekki einusinni):/
Hef staðið mig soldið að því að ætla að gera allt í einu og ef það tekst ekki, vera þá svekkt út í sjálfa mig og með eilífðar samviskubit. Ætla að taka litlu 5 ára gömlu frænku mína til fyrirmyndar sem tjáði mér, þegar við lágum uppí rúmi með nammi um jólin, að skoða Andrésblöð, að það væri henni ofviða að hætta að vera pirruð inní sér (á nýfædda systur sem fær soldið mikla athygli að mati stóru systurinnar)og hætta að bora í nefið í einu. Svo sleikti hún stundum hendurnar á sér þegar þær væru þurrar og hún vissi að það væri líka ósiður. Hún sagði við mig á alvarlegu nótunum að hún ætlaði fyrst að hætta að vera alltaf svona pirruð, svo að finna annan tíma til að hætta að bora í nefið..hitt kæmi svo enn síðar.
Þetta er mikil speki hjá krúttinu mínu og mætti ég sko vel taka hana til fyrirmyndar; að reyna ekki alltaf að gera allt í einu!
Hlédís er farin til Indlands! Ég eiginlega trúi því ekki. Hún og Sigrún eru farnar og koma ekki aftur fyrr en í maí. Ásdís og Héðinn fara svo á föstudaginn til London og Danmerkur, og Helga fer til Ástralíu um miðjan mánuðinn.. já hér verður feit, háskælandi og vinalaus eftirlegukind (Matthea) í hormónaflippi í lok janúarmánaðar :)
Jólin voru frábær og áramótin líka. Hafði hugsað mér að hafa þá pistla e-h lengri en nú er ég búin að hafa þessa færslu allt of langa til að e-h nenni að lesa hana, svo ég læt þetta duga.
Hafið það gott á nýja árinu

Lyfleysa

2006-12-19T17:14:00.000-08:00

Hver man ekki eftir Síþreyttheu um páskana í fyrra sem höndlaði lyfjaleysi með því að sofna hér og þar..aaaðallega þar!
Þar sem örlögin fóru um mig mjúkum höndum síðast og enginn stór skandall átti sér stað í lyfjaleysinu, ákvað læknirinn minn að grípa inní og taka mig aftur af lyfjunum, nú á jóladag!
Ég á svo að fá smá geislajoðsýnishorn í janúar til þess að kanna stöðuna á skjaldkirtlinum (eða vonandi skjaldkirtilsleysinu)og fæ svo meðhöndlun í framhaldi af því.
Sem sagt mega gestir og gangandi aftur eiga von á því að ég gráti þegar ég ætla að hlæja, gleðjist óvart í stað samúðar þegar fólk gleymir hlutum (sorry Hlédís), kveiki á miðstöðinni þegar ég ætla að lækka í útvarpinu og klóri mér þegar ég þarf að hnerra!!
Já örlögin hafa aftur gefið mér hormónalegt frelsi til að láta tilfinningarnar sveiflast í óvæntar áttir, og koma þannig með æsispennu í líf mitt og minna nánustu (Gunni þunni verður þrítugur á tímabilinu, spennandi að vita hvernig hormónatryppið Matthea höndlar það;)
Á morgun hefst langþráð jólafrí...hipp hipp húrreiii, hipp hipp húrreiii, hipp hipp húrreiiiiiiiiiiii!

Eymingjabloggari...

2006-12-04T16:09:00.000-08:00

Já, það er ég...og ég veit uppá mig skömmina. Ég hef enga afsökun fyrir letinni nema þá, að ég hef komist að því að það er svipað með bloggið og kynlífið, það er erfiðara að byrja aftur eftir langa pásu ;)
-London var æði!
Ásdís tók frábærlega á móti okkur og náðum við að taka allan pakkann á 5 dögum. Helsta ráðgáta ferðarinnar var baunin í vasa Hlédísar, við renndum okkur niður risa rennibraut á Tate safninu, Oxford street fékk sinn skerf af laununum okkar sem og barirnir í Camden Town. Við stilltum okkur um að kaupa 2m uppblásinn jólasvein með kóngavinki en tókst að klára sítrónurnar og sennilega myntulaufin líka á Old Street.
Sem sagt frábær ferð!
-Litla Víkurskottið okkar er formlega komin með nafnið Arnfríður Mára og af því tilefni skelltum við okkur öll fjölskyldan til Víkur um helgina. Þar gistum við eina nótt í flottasta gistiheimili þessa heims, Norður Vík, fengum tælenskan pottrétt a la Æsa, Gunninn minn galdraði fram humar, við ærsluðumst með krökkunum í íþróttasalnum í klukkutíma og vorum svo öll sléttgreidd klukkan þrjú þegar "presturinn skvetti vatni á litlu systur", eins og Katla orðaði það.
-Hvernig finnst ykkur Hörður Torfa standa sig sem James Bond?

-Ég er komin á "nýjan" bíl. Eftir að sölumaður mánaðarins hjá bílaumboðinu var búinn að selja undan mér hinn bílinn fyrir mistök, prenta út rangt bílnúmar og þ.a.l. næstum búinn að selja mér bíl sem var í fullri notkun annars eiganda, "gleyma" að segja mér að demparar væru ónýtir í bílnum, klikka á dekkjaumgangi sem hann var búinn að lofa, og týna öllum mottum úr bílnum..stökk hann af stað og náði í nýtt mottusett og slengdi þeim orðum svo framan í mig fullur sjálfstraust að hann klikkaði sko ekki á smáatriðunum...!
-Ég hef nokkrum sinnum verið spurð að því í vinnunni hvenær jólin komi..og hvar þau séu nú. Þegar ég segi að þau séu bara að bíða eftir því að koma, er ég spurð af hverju..já af hverju eru jólin að bíða eftir að koma, og hvar eru þau nú??
-Ég hef fundið fyrir því núna meira en nokkru sinni hversu vænt mér finnst um Ásdísina mína og allur minn hugur er hjá henni þessa dagana. Ég hlakka til að knúsa þig Físið mitt!
-Katla segist sleppa "nautunum" stundum þegar hún er að flýta sér með Faðir vorið (vorum skuldunautum) en ég sleppi þeim sko ekki í bænum mínum þessa dagana!
-Eftir að hafa fengið fleiri stig fyrir að flauta en syngja í Singstar, hætti ég mér út á hina grýttu leið söngsins í vinnupartýi á laugardaginn. Í miðju lagi ákvað tæknin að nú væri nóg komið og breytti um lag.. já ég fæ seint mína 15 mínútna frægð í sönglistinni eins og Herbert Guðmundsson!
-Bráðum ætla ég að blogga aftur

London baby!!!

2006-11-01T10:25:00.000-08:00

Á morgun, á morgun!
...og Hlédís kemur með mér..víííí

Þessar litlu prinsessur...

2006-10-30T15:29:00.000-08:00

...voru aðal ástæða þess að við Gunnar skelltum okkur til Víkur í Mýrdal um helgina.
Auk þess að knúsast í þessum krúttum fórum við í bíltúra, skoðuðum fiskeldi, útivistarsvæði, norðurljós og "leirdúfuskitteríuðumst" í fjörunni...jább er ekki frá því að ég sé að fullorðnast!

Hann Valdi koppasali...

2006-10-25T11:22:00.000-07:00

...náði ekki upp á nef sér (enda vænn sultardropi á nefi hans) þegar hann komst að því í dag, að stundum notaði ég hjólkoppa úr Öskjuhlíðinni í föndur. "Ffffffföööndur".. voru viðbrögð hans og hann hrækti orðinu útúr sér (sultardropinn small í mölina við fætur mér). Samviskubitið hríslaðist um mig og ég lofaði sjálfri mér að safna þeim heillegu hjólkoppum sem á vegi mínum verða í framtíðinni og bæta í safnið hans Valda. Valdi vinur minn sagði að fólk væri eiginlega hætt að koma til hans, og nánast enginn hringdi núorðið. Hann er þó búinn að setja upp stórt skilti við veginn með símanúmerinu sínu (svo leit hann á símann svona til að tékka hvort væri nokkuð missed call síðan hann tékkaði síðast). Að lokum spurði hann mig hvort ég hefði nokkuð hent einhverntíman hjólkopp frá árinu 1950, hvort ég hefði gaman að fornbílum, sest upp í slíkan bíl eða þekkti e-h sem hefði áhuga á gömlum bílum, en áður en ég náði að svara, strunsaði hann í burtu, ákveðinn í að eyða ekki fleiri orðum í manneskju sem notar stundum hjólkoppa í föndur...FFFFFÖÖNDUR (hnuss)!

There is a crack in my wall

2006-10-23T12:01:00.000-07:00

Þegar ég gekk út úr KBbanka í fyrra, mörgum peningum fátækari, datt mér ekki í hug að það yrði minn bani. Eða þeas það sem ég keypti fyrir þennan pening er að drepa mig. Hér fyrir utan eru pólskir iðnaðarmenn öllum stundum (og þá meina ég öllum stundum) að bora, pússa og saga. Já þeir eru á samning að gera bara e-h sem heyrist hátt í!
Það er hreinlega eins og þeir geri ekki ráð fyrir að fólk (ég) þarf sinn svefn á daginn. Arndís og Ási sem búa hér hjá mér þessa dagana, eru svefnlaus á næturvöktum því kyrrlátara er að leggja sig á umferðareyju á Miklubrautinni en inní svefnherbergi á Laugarnesveginum!
Pabbi kíkti við í dag, settist inní stofu og við þurftum að kallast á þó við sætum hlið við hlið! Hann tilkynnti fljótlega að hann ætlaði ekki að vera lengi í heimsókn.
Hlésin mín tók eftir sprungu eftir endilöngum stofuveggnum sem læddi sér áfram með stigmagnandi hávaða að utan. Jább allt lítur út fyrir að blokkin mín verði nokkuð vel pússuð og fín að utan, en allar líkur eru á því að hún innihaldi svefnlaust fólk með bauga og sprungna veggi að innan!

Litla djásnið okkar

2006-10-22T10:16:00.000-07:00

Pizza

2006-10-21T04:41:00.000-07:00

Eins og þið vitið mörg, eyði ég síður en svo öllum mínum frítíma í eldhúsinu. Ég elda nánast aldrei! En í vikunni ákvað ég að nóg væri komið og langaði að prófa mig áfram í eldhúsinu. Ég fékk pizzauppskrift hjá heimilisfræðikennaranum á vinnustað mínum og nú ætlaði ég sko að elda pizzu fyrir minn kæra.
Þegar ég var að ljúka við botninn áttaði ég mig á því að þarna stæði ég, kófsveitt í eldhúsinu og bisaði við pizzauppskrift fyrir þroskahefta!!!
Ég var með hveiti í hárinu :-/
-Þá mundi ég ástæðu þess að Eldsmiðjan er á speed dial hjá mér-

Hún Joð mín...

2006-10-19T09:33:00.000-07:00

...á afmæli í dag! Hún er tuttuguogníuára stelpan einsogekkertsé!
Á næsta ári verður hún þrítug tveggja barna móðir ;)

Til hamingju elsku Júlían mín ég hrópa ferfalt húrra fyrir þér þegar ég keyri framhjá blokkinni þinni næst!

Veit einhver

2006-10-18T11:22:00.000-07:00

hvað þýðir að vera með böggum hildar??
Þar til ég fæ þýðinguna ætla ég að reyna að koma þessu orðatiltæki fyrir í tali mínu hvenær sem þess er kostur!

P.s einn töff fréttamaður sagði handvömm í sjöfréttunum í gær (ég er stolt af þér Hési minn :)

Jamm og já...

2006-10-16T18:19:00.000-07:00

Einu sinni átti Héðinn vini sem blogguðu, og einu sinni átti hann vini sem gerðu út á það að vera fullorðin börn! Ég týndi bloggandanum með kólnandi veðri. Finn hann ekki aftur og af sömu ástæðu og að betra sé autt rúm en illa skipað, er betri auð síða en illa orðuð, ekki satt??!
Þrátt fyrir bloggleysi undanfarið, hefur gengið á ýmsu í mínu lífi sem og annarra á þessum mánuði.
-Fyrst og fremst eignuðust Þráinn minn og Æsan mín gullfallega og fullkomna dóttur 5.október. Sökum endalausra tækniörðugleika get ég ekki sett mynd af prinsessunni á bloggið núna, en ég bæti úr því síðar
-Þórhildur mín yfirgaf Ísland og hélt út í heim á ný. Ég sakna hennar.
-Ömmurnar hittust og byrjuðu kvöldið nokkuð siðfágaðar...

-...en það hélst ekki lengi

-Ragnhildur stóra syssin mín varð árinu eldri
-Vilborg eignaðist prinsinn Magnús Dag og ku hann vera hinn mesti sjarmur
-Ég fór að taka olíu á einni bensínstöð borgarinnar. Þar lét gamall karl olíu á bílinn minn með ánægju, en okkur brá sennilega báðum jafn mikið þegar kerlan sem virtist í fyrstu vera rétt og slétt kassadama, reyndist vera verslunarstjóri dauðans sem fullyrti að sá gamli hefði yfirfyllt bílinn minn af olíu, lét hann tékka aftur á mælingunni og fór svo sjálf yfir þetta allt saman. Það hlakkaði í mér þegar í ljós kom að karlgreyið hafði hárrétt fyrir sér. Kellunni var ekki eins skemmt.
-Nú á ég son í Afríku

-Sigga landbúnaðarráðuneytisgella er guðmóðir hans og sér um að myndir af honum séu í veskinu mínu. Einnig hefur hún uppi áform um að sjá um trúarlegt uppeldi hans með aðstoð bréfdúfna og reykmerkja
-Í kennslustund í dag, þegar ég var að kenna nemendum mínum muninn á sjálfráðum og ósjálfráðum taugaboðum, vildi ég koma þeim í skilning um að það að "veifa" væri sjálfráð taugaboð. (Ég sagði) Dæmi: Ef þið eruð að labba eftir gangstétt og ég kem gangandi hinu megin við götuna, hvað gerið þið þá (handviss að allir myndu svara í kór "VEIFA")..þegar gellur í einum "HLAUPA Í BURTU"...ég sá þetta ekki alveg koma :-/
-Dillzið mitt er komið til landsins og ég hlakka svoo til að sjá hana
-Syssin mín er í framboði með tilheyrandi ferðalögum og því hef ég tekið að mér að sjá um börn og bú í staðarsveitinni þegar ég kem því við.. þá baka ég og sýni á mér hliðar sem fólk (þar með talið ég) vissi ekki að ég ætti til!
-Ásdísin mín er farin til London en ég mun hitta hana eftir 17 daga og get ég vart beðið...London here i come!!!
-Hlédís og Sigrún djásnin mín urðu 8 hvolpa mæður í síðustu viku og þar eru á ferð flottustu og krúttlegustu dýr á jarðríki

-Ég er orðin 270 cm á hæð ef meðtaldar eru málningaflyksurnar sem þrýstast undir skóna mína þegar ég stíg út fyrir blokkarinnar dyr. Ég get svarið að háþrýstiþvottakarlinn reyndi að hitta mig um daginn þegar ég þaut út í bíl!
-Og nú er annað augað í mér farið að renna til af þreytu
Takk fyrir að lesa mig enn..

Guðsonur!

2006-09-15T14:16:00.000-07:00

Þetta er guðsonur minn, Arinze Tómas Nzeakor og mamma hans hún Þórhildur. Það var ansi stolt guðmóðir (ég) sem stóð við altarið í Bessastaðakirkju sl. sunnudag og lofaði að gera mitt besta til að aðstoða við kristilegt uppeldi gullmolans. Ég er ó svo stolt, svooo stolt og upp með mér yfir þessu hlutverki og er það ætlun mín að vera yfir og allt um kring..., þrátt fyrir að heimsálfur skilji okkur að!

Okezie, ég, Arinze og Helga

Vinahandbók Mattheu

2006-08-22T13:17:00.000-07:00

...hefur verið í vinnslu í langan langan tíma. Allt frá því að fyrstu vinirnir í hópnum fóru að flykkjast út í leit að ævintýrum en gleymdu alveg að flytja heim aftur. Þórhildur hefur nú gengið lengst í þessum efnum, enda að byggja sér í Ástralíu..og þá lágu vinahandbókarskrifin niðri um tíma meðan ættjarðarormurinn Matthea var að jafna sig á þeim fréttum!
Héðinn, Ásdís, Kiddi, Þórir og Diljá að festa rætur í útlöndum... og Hrabba og Viktor búin að kaupa sér í Árósum!
Ef einn ofantalda hefði ekki keypt allt upplagið af vinahandbókinni, áður en hún kom út og troðið henni þversum uppí rassgatið á mér, kæmi kafli úr bókinni hér á eftir.
Þess í stað hef ég ákveðið að reyna að samgleðjast þessum flökkukindum og skipuleggja heimsóknir til þeirra sem fyrst! (og reyna að tæla mannskapinn aftur heim).

Í gær bauð Íris okkur frænkunum í mat (+ Sigrúnu óléttu og Ölmu Noregsgellu). Þegar leið á kvöldið vorum við búnar að hlæja svo mikið að Sigrún var komin með 2 í útvíkkun og samdráttarverki! Gaman að því

Hrabba mín

2006-08-09T16:59:00.000-07:00

Hún Hrabba mín er afmælisgella dagsins! Hún, ásamt fjölskyldu sinni bjargaði lífi mínu í Danmörku og upp frá því tóku þau mig í fóstur. Til hamingju með daginn elskan mín!

Matta

2006-08-04T01:33:00.000-07:00

Óheppnin virðist loða við mig og nafna minn!

Hvar hafa bloggdagar lífs míns litum sínum glatað...?

2006-07-31T15:54:00.000-07:00

Orðrómur götunnar segir að sumarið sé tíminn... en ég hef það sterklega á tilfinningunni að þegar ég fer að vinna vetrarvinnuna mína eftir hálfan mánuð, sé það einmitt sumartíminn sem kemur til með að virðast sem dagur, ei meir! Tíminn fylgir ekki alveg minni klukku sem þarf að innihalda aðeins fleiri klukkustundir eins og hjá svo mörgum. Einn dagpartur hefur farið í Austurvallarhangs og það var eftir kl 17!! Veðrið hefur svo sem ekki verið að flækjast fyrir mér, en þrátt fyrir að sumarið hafi rokið framhjá mér hefur margt gerst og enn fleira framundan..
Í sumar:
-hefur landbúnaðarráðuneyti Íslands notið starfskrafta minna
-hef ég hringt á skrifstofu opinberrar stofnunar til þess að flissa að talanda símadömunnar
-átti Þórhildur mín afmæli

-er skottan væntanleg til landsins á næstu dögum, frá Ástralíu með litla ungann sinn í kengúrupokanum
-hef ég lagst í fjöruna við Gróttu og ritað í sandinn
-var grillað í Þjórsárdal
-datt Katlan okkar niður klett og brotnaði á báðum höndum
-hlustaði ég á Sigur Rós
-fengu kennsluhæfileikar (þolinmæði) mínir að njóta sín við að kenna afa á kasettutæki..það tók ekki nema 2 klst!
-voru gluggarnir teknir úr íbúðinni minni..og enginn að stressa sig að setja nýja í..hver þarf svo sem súrefni
-hef ég unnið upp ákveðna skuld og er nú á núlli skv. Héðni bókaranum mínum ;)

Í dag:
-á Arndísin mín afmæli!!!

-Mér finnst svoooooooooooo vænt um þig elsku frænka og myndi kalla ferfalt Húrra fram af svölunum mínum ef ég væri ekki nú þegar komin á dauðalista nágrannanna (eftir kveðjupartýið síðustu helgi)

Á djamminu

2006-07-14T07:45:00.000-07:00

Taki þær til sín sem eiga...

Golfmót í Vík!!!

2006-07-12T03:37:00.000-07:00

Komið þið sæl,

n.k. laugardag þannn 15. júlí verður golfmót í Vík til styrktar Hilmi Snæ Guðmundssyni.
Spilaðar verða 9 holur á þessum skemmtilega golfvelli og verður fyrirkomulagið punktakeppni.

Í boði eru veglegir vinningar, t.d. ferð fyrir 2 til einhvers af áfangastöðum Icelandair í Evrópu. Einnig verða veitt nándarverðlaun og dregið verður úr skorkortum, þannig að allir ættu að geta unnið eitthvað.

Mótsgjald verður 3500kr. Hægt er að skrá sig með því að senda póst á netfangið golfvik@gmail.com eða hringja í síma 893-3383 Stefán Davíð Helgason eða 861-1779 Þráinn Sigurðsson.

Með von um góða þáttöku,

mótstjórn

Allir eru velkomnir

Heimasíða golfklúbbsins í Vík er http://golf.is/index.jsp?iw_language=is_IS&ib_page=560

Harpa

2006-07-11T14:28:00.000-07:00

Þetta er hún Harpa afmælisbarn sem á bumbuna Emil. Hún hélt upp á afmælið sitt með rosalegri kvennaveislu á sunnudaginn, þegar úrslitaleikur HM var spilaður. Hörpu líður aldrei vel nema eiga e-h í panti í IKEA. Nú er hún búin að ná í kommóðuna sem bumbuEmil á að fá í september, svo nú leitar hún í örvæntingu að e-h til að panta í IKEA.
Þess má geta að Diljá rokklingur er umboðsmaður bumbunnar.

Katlan mín

2006-07-04T18:15:00.000-07:00

Í gær átti Katla Þöll, bróðurdóttir mín, 5 ára afmæli. Til hamingju litla skottið mitt!!!

Hvað hefurðu verið að gera að undanförnu, annað en að fitna?

2006-07-04T16:40:00.000-07:00

Í hverri ungri konu býr feit miðaldra kelling sem bíður eftir að brjótast út, sagði vinur minn í gær á meðan hann tróð ís í andlitið á sér. Hann hikaði aðeins og bætti svo við hjá sumum glittir í hana fyrr en hjá öðrum!

Ekki þarf að taka fram að þessi athugasemd hægði soldið á handtökunum sem taktfast höfðu borið skeiðina að fésinu á mér, svo munnurinn væri örugglega alltaf stútfullur af ís!

Þú skalt ekki girnast hús náunga þíns...

2006-07-03T12:25:00.000-07:00

Í þau óteljandi skipti sem ég hef gengið fram hjá fallegasta húsinu á Laugarásveginum á leið minni um Laugardalinn, hef ég yfirleitt staldrað aðeins við, horft heim að húsinu og látið mig dreyma um að búa þarna. Ég hef séð fyrir mér hvernig húsið lítur út að innan, virt fyrir mér stóru gluggana og fallegu bílana á stæðinu.
Þegar við Helga nálguðumst húsið í göngutúrnum okkar í dag, breyttist draumur minn í blákaldan veruleika. Gömul kona reikaði út úr húsinu "mínu" og bað okkur um að hjálpa sér. Við héldum það nú og skelltum okkur inn til hennar. Mjög fljótlega kom í ljós að kona þessi var illa haldin af alzheimer og vissi hvorki almennilega í þennan heim né annan. Hún vissi ekki hvort hún væri að koma eða fara, hver byggi þarna með henni, hvort hún væri læst úti eða bara hissa á að enginn væri heima. Við Helga (Nightingale)tókum þá gömlu að okkur, hringdum nokkur símtöl þegar hún var búin að ákveða sig hvað dóttir hennar héti og hvar hún byggi, og sátum svo hjá gömlu þar til dóttirin kom heim. Sjaldan, ef nokkurntímann höfum við vinkonurnar þurft að endurtaka jafn oft staðreyndir um sjálfar okkur og eftir að hafa sagt 5 sinnum hvar við byggjum, létum við nægja að segja bara að við byggjum í nágrenninu.
Þetta var bara nokkuð skemmtileg tilbreyting á kvöldgöngunni og kannski við Helga förum bara að gera út á að kíkja við hjá gömlu ringluðu fólki sem leitar á náðir náungans í neyð!