Ég heyrði í vini mínum í gær. Ég sakna hans. Hann á heima langt langt í burtu. Í Órafjarrilíu.
Einusinni vorum við bara kunningjar. Það var áður en ég sofnaði við kertaljós í fleti mínu á heimavistinni. Hann kom inn, lagði sængina yfir mig en slökkti ekki á kertinu. Það var líka áður en hann hljóp gargandi eftir ganginum á Kösinni, því á eftir honum var allavega 10mm húsafluga. Áður en við gengum niður að vatni í morgunsárið í prófatörninni, áður en við fórum á fyrsta fylleríið hans, áður en við bárum vatn í appelsínugulum bala í heita pottinn heima í Reykjakoti af því ég kunni ekki alveg á pottinn. Það var líka áður en við fórum saman til Svíþjóðar til að ég gæti sagt álit mitt á jakka sem hann var að spá í að kaupa, áður en hann veifaði mér bless með miðfætinum þegar ég steig í lyftuna í íbúðinni hans í Köben. Áður en við tókum krabbameinstrúnó í bílnum fyrir framan íbúðina hans, svo steig hann karlmannlega út úr bílnum en hringdi í mig 10 mín seinna til að segja mér að hann hefði næstum verið farinn að grenja. Áður en hann gaf gegnsæja lampaskerminum mínum nýjan tilgang, áður en hann skrækti í gyllta turningum, áður en við keyrðum að Gróttu með útvarp Sögu í botni, áður en ég gómaði hann hálfnakinn úti á svölunum sínum í sólbaði með þykkan yfirlestarbunka frá málfærslumanni RUV og áður en ég hlammaði mér á eldhúsgólfið hans, með kartöflugratín og bjór og hóf trúnósamræður við ættingja hans.
Héðinn sagði nebblega í símann í gær að hann væri alltaf að blogga um mig...þetta er semsagt hefndarfærsla
Hvenær byrjaði ég eiginlega að blogga í minningargreinastíl??!
NorðurVíkur hátíðin á morgun...víííí
4 comments:
Vá hvað það var augljóst, þarna skuldaru mér tvær sögur af þessu, en skemmtilegast var samt að upplifa þegar hann misbauð lampaskerminum þínum...
þú byrjaðir á minningargreinastílnum þegar þú hættir listunum góðu.
En þetta er kannski sniðug bissnes hugmynd;
"áttu erfitt með að gera minningargrein um nákominn ættingja eða vin??" "ég tek að mér að búa til ramma fyrir minningargrein, er með ótal stíla á lager og góð lýsingar orð og varpa skemmtilegu ljósi á minningar.
Jæja Matta mín það er komið að því...við erum á leið til þín í næstu viku :) Komum á mánudaginn og verðum í 10 daga (á klakanum...ekki heima hjá þér, hehehe) og þá er eins gott að við náum í skottið á þér.
eivor
ég var bara að ákveða rétt í þessu að við ætlum að hafa konfektgerð með gulla á aðventu í möttukoti.... e þaggi?
blogga soo...
ezka þi!!
-hlé
Post a Comment